سڄݨ اے کیتی حق سچ دی ڳال

(غلام یاسین ملک، دے جواب اچ) سجنڑ اے کیتی حق سچ دی گال

اے کیا جو صوبہ قبول کینی، کہیں دے قبول نہ قبول کرنڑ اچ کوئ فرق نی پمدا ، اے کمال جناں دا تھسی سب کوں پتہ ھے، اساں صرف لیڈر آکھاونڑ تے خوش ھوں، اتحاد دی گال کروں تے بھاویں پارٹیں کوں ھک بئے اچ زم تھیونڑ دی گال کریجے تاں کجھ لیڈریں کوں بخار چڑ ویندے ، کیونجو اناں توں کہیں بئے دی لیڈری تاں برداشت نی تھیندی، تے اساکوں قوم پرستی دا سبق ڈیونڑ شروع کر ڈیندن جیویں اساں تاں 40 سالیں توں جخ ودے مریندوں، تے آپ صرف ھکو گال کریندن جو جنوبی پنجاب دے ناں نال صوبہ نہ گھنسوں ، نہ گھنو سئیں ! اگلے اساکوں صوبہ نی پئے ڈیندے تے نہ ای اساڈے نال کوئ خیر خواھی رکھدن ھنڑ پنجاب دی تقسیم اناں دی اپڑی مجبوری بنڑ گئی اے ، رھی گال ناں "جنوبی پنجاب" دی تاں اے ناں پنجاب والیں دا اساڈے کیتے تاں تھی سگدے پر اساڈا ناں اے نی کیونجو نہ اساں پنجابی تے نہ اساں جنوبی ھوں ، اساڈی ھک اپڑی شناخت ھے کہیں دے آکھنڑ تے رکھنڑ نال کوئ فرق نی پمدا، اے کوئ قرآن یا حدیث اچ نی جو بدل نی سگدا.

نویں صوبے دی حدود

سجنڑو اساڈے کیتے ایں وقت اھم مسلہ نویں صوبے دی حدود/جغرافیہ ھے جیندے کیتے اساڈے لیڈر چپ ھن پتہ نی کیا پئے کریندن، ایں وقت ضرورت اے ھے جو سارے لیڈر متحد تھی منتحب MNA/MPA نال رابطے کرن اناں کوں پنجاب توں انج صوبے دی افادیت/مفادات توں آگاہ کرن تانجو پتہ لگے اتھوں دے لوک کیا چاھندن، اساں صرف 23 اضلاع دی گردان چاتی کھڑوں ، سجنڑو : اناں حالات اچ 23 اضلاع اویں نہ مل ویسن ایندے کیتے وڈی جدوجہد دی ضرورت ھے، اساں صرف 23/23 اضلاع دی گردان لاتی رکھی تے عملی طور کجھ نہ کیتا تے اساں ھک بئے دے آسرے تے ریہیے تاں صرف 3 ڈویژن دے اضلاع تے آن کھڑسوں، فوری طور رابطے شروع کیتے ونجن ، ایں وقت صوبے دے ناں توں زیادہ صوبے دے جغرافیہ دی اھمیت ھے جو کہڑے کہڑے اضلاع شامل پئے کریندن ۔ جیون سرائیکی تے سرائیکیں دے لیڈر. جیوے سرائیکی وسیب ۔ اجمل مسن