سندھ دریا

دریائے سندھ پاکستان دا سب توں وݙا تے اہم دریا ہے۔ دریائے سندھ دی شروعات تبت دی ہک جھیل مانسرور (جھیل ماناساروار) دے قریب تھیندی ہے۔ اس دے بعد دریا لدّاخ تے گلگت بلتستان توں گزردا ہویا صوبہ خیبرپختونخوا وچ داخل تھیندا ہے۔ صوبہ خیبرپختونخوا وچ اینکوں اباسین وی آہدے ہن جس دا مطلب ہے دریاواں دا پیؤ۔ دریائے سندھ کوں شیر دریا وی آکھا ویندا ہے۔ صوبہ خیبرپختونخواہ وچ دریا پہاڑاں توں میداناں وچ لہہ آندا ہے تے اس دے بعد صوبہ پنجاب تے سندھ توں گزردا ہویا ٹھٹہ دے قریب بحیرہ عرب وچ ڈھہندا ہے۔ مختلف مقامات تے اس دے مشرقی معاون دریا (دریائے جہلم، دریائے چناب، دریائے راوی، دریائے ستلج) اس وچ شامل تھیندن ویندے. اس دریا دی لمبائی 3200 کلومیٹر ہے.

دریائے سندھ دے ترے میدان مشہور ہن:

١. دریائے سندھ دا بالائی میدان (٢)دریائے سندھ دا زیریں میدان (٣) دریائ سندھ دا ڈیلٹائی میدان

دریائے سندھ دا بالائی میدان: دریائے سندھ اٹک دے مقام تے خطہ پوٹھوہار وچ داخل تھیندا ہے. اٹک توں مٹھݨ کوٹ دا خطہ دریائے سندھ دا بالائی میدان سݙیندا ہے، ایہ میدان انتہائی زرخیز ہے۔ ہر قسم دے پھل، سبزیاں فصلاں تے جنگلات اتھاں پاتے ویندن ۔میانوالی، بھکر، ڈیرہ اسماعیل خان توں گذردا ہویا ایہ دریا پنجند(مٹھن کوٹ) دے مقام تے صوبہ سندھ وچ داخل تھی ویندا ہے۔ دریائے سندھ دا بالائی میدان دوآباں تے مشتمل ہے۔ ݙو دریاواں دی درمیانی زمین کوں دوآبہ آہدے ہن۔