سندھݨی دا سائیں

لکھ لکھ تھورا۔۔۔

سندھڑی دا سائیں

فریدنڑتیڈاشاہ لطیف میڈا،توں کافیاں سٌنڑمیں وائیاں گائوساں، پٌنل وی توں سسی وی تیڈی شالا نت آباد رہ سندھڑی تیڈی، تھل وی تیڈا تھروی تیڈاملخ ملہیرتیڈاروہی چولستان تیڈا، سسی توں گھن چامیکوں ماروی ولاڈے، اٌچ تیڈا سیہون میڈا، ملتان تیڈاٹھٹھہ میڈا، ایں ونڈارے دی رٍیت کوں دی ریت کوں بدلوں، نفرتیں دی پیت پریت کوں بدلوں۔۔۔۔بھٹوتیڈامیڈاسانجھاہووے، جیویں سندھوتیڈامیڈاسانجھاہے، سندھودی دھرتی وی سانجھی ہے، دھرتی دے ڈکھ وی سانجھے، تریہہ وی سانجھی بکھ وی سانجھی، جیویں خواجہ فریددی کافی سانجھی ہے اونویں شاہ لطیف دی وائی سانجھی۔۔۔ لکھ لکھ تھورا سندھڑی داسائیں۔۔۔۔۔ اج ساڈی تریہہ تیں آپڑیں سنگھ وچ چکھی ہے، اساں نی آہدے جیں سندھوکوں سندھوں مارین انہاں نال جنگ کر، جیں ساڈے تے بکھ دے پہرے لائن انہاں کوں بربادکر، اساں تاں ایہواہدوں دھرتی دے ڈکھ سکھ دابھائیوال تھی ساڈے نال تھی۔۔۔۔ لکھ لکھ تھورا سندھڑی داسائیں۔۔۔۔۔ تیں سندھ دے حصے اٍچوں میڈی تسی بھوئیں دی تریہہ، مکاونڑسانگے، تیں گھوٹکی کینال توں 500کیوسک دان کیتٍن۔۔۔ تیڈالکھ تھورا۔۔۔۔ تیں میڈے بال پڑھاونڑسانگے، روہی دی بٍھک تے کالج یونیورسٹی ڈیونڑدا، وچن ڈتے تیڈالکھ تھورا۔۔۔ شالابھاگ لگی سندھڑی داسائیں، میڈاشاعراج وی تیڈے بلاول دیاں خیراں منگدے! شالاویڑھاوسی سندھڑی داسائیں، اج وی اوپری گوروچوں کجھ نہر کجھ آدم خورلگڑبگے تیں ڈواٌلردے پئین، ایں کینجھاانصاف اے سوہنڑاں سائیں اتھ کتے مکھن کھمدے پئین، سندھ کوں ول پیاں سندھوں لگدین دھرتی تے شام پچھاویں پلدے پئین۔۔۔۔۔شاہ لطیف پیرفریددی دھرتی داآپ سئیں تھی، ساڈی سنجاڑ ڈٍوا دھرتی دے ڈکھ مٌکا۔۔۔۔۔ہنڑ ول کئی نہ بھٹوقتل تھیسی، کئی نہ ہنڑراول راٹھ دی پنڈی اٍچوں۔۔۔۔۔۔۔ وچ صندوقیں آئوسی!!

رانا ابرار خالد