سندھی قومپرست تے پنجاب دی ونڈ

ہک سنگتی گلِا ڈتے جو سندھ قوم پرست پنجاپ دی ونڈ دی مخالدت کریندے پئین، اُنہاں کوں بھئو جو پنجاب دی ونڈپاروں سندھ ونڈ دا خطرہ ودھ ویسی۔۔۔۔۔۔۔۔۔گزارش اے جو جنوبی پنجاب صوبے دی مخالفت تاں پشتون،بلوچ وی کریسن۔۔۔۔۔۔سندھی قوم پرستاں دا وی حق بنڑدے، کینکوں کینکوں روکیسو سئیں۔۔۔۔۔سچی گالھ اے، جنوبی پنجاب کن تاں ایہوتاثرملدے جو وفاق پاکستان وچ قوماں دی ونڈ دا نواں منڈھ بدھیندا پئے، جیکر نہ ای بدھیجے تاں ول وی سوال تاں بنڑدے جو پاکستان وچ پنجاب دیاں 2وفاقی اکائیاں کیویں تھی سگدین۔

نویں نسل سرائیکی اگوانڑاں دی ساری کیتی کمتی چٹ کرکے جنوبی پنجاب کوں قبول پئی کریندی اے، ہنڑ ایندانتیجہ وی ساکوں ملدا پئے، سرائیکی اگوانڑیں وڈی عرق ریزی کرکے سرائیکی قوم دامقدمہ ٹھہایا ہائی تے ایندے تے بنہائیں قومیں دے دانشوراں کوں قائل کیتاہائی جواے کوئی جنوبی شمالی دی ونڈنئیں بھل جو آزادی دی تحریک اے، رنجیتی قبضے توں سرائیکی وسوں دی آزادی دی تحریک، ہک قوم دی بئی قابض قوم کن قبضہ چھڑاونڑ دی تحریک۔۔۔۔۔۔جیندے سانگے سندھی، بلوچ ،پشتون وی ساڈے بانہہ بیل بنڑئیے، جڈانہہ جواساں آپڑیں موقف توں پچھوں ہٹدے پیوں تاں ول سندھی قوم پرستاں توں کیہاں گِلا شکوہ؟؟؟ انہاں دی کمٹمنٹ تاں سرائیکستان سانگے ہائی نانہہ جو جنوبی پنجاب سانگے۔