سلیم احسن
پروفیر سلیم احسن میان٘والی دے رہوݨ آلے شاعر ہن۔ آپ اردو تے سرائیکی ݙون٘ہاں زباناں وچ شاعری کریندے ہن۔ غزل تے نظم دی اصناف وچ جیندی جاگدی ساہ گھندی شاعری انہاں دی سُن٘ڄاݨ ہے۔ سلیم احسن نویں نسل دے انہاں شاعراں وچوں ہن۔ جنھاں دی شاعری وچ آپݨے چودھاروںکھنڈی وسیبی رہتل ڈا شعور ٻہوں ودھ ہے۔
کتاباں
[لکھو | ماخذ وچ تبدیلی کرو]- جکھڑ جھولے
- چیتے چنتے
ایوارڈ
[لکھو | ماخذ وچ تبدیلی کرو]سلیم احسن کوں انھاں دی کتاب جکھڑ جھولے تے اکادمی ادبیات پاکستان دی طرفوں خواجہفرید ایوارڈ وی مل چکے،
شاعری
[لکھو | ماخذ وچ تبدیلی کرو]سلیم احسن دی شاعری آپݨے وسب نال گنڈھی ہوئی ہے۔ او آپݨی شاعری دا مواد وسیب توں گھندے، تھل دے شاعر سلیم احسن غزل دے تجربے دے بعد آپݨی کتاب "چیتے چنتے" وچ آزاد نظم کوں اظہار دا ذریعہ بݨائے جیندے وچ تھل دیاں اݨ کھُٹ تصویراں فطرت دے حسن دے حوالے نال نظر آندیاں ہن۔
نمونہ کلام
[لکھو | ماخذ وچ تبدیلی کرو]سرائیکی غزل
[لکھو | ماخذ وچ تبدیلی کرو]تیݙی اپݨی ہے راہ میݙی اپݨی ہے راہ
تیݙی چاہ ہور ہے تے میݙی توں ہے چاہ
توں وی ٹردا رہیا میں وی ٹردا رہیا
حال پچھامیݙا میں نہ پچھا تیݙا
خیر اپݨی توں منڳیں تیݙی خیر میں
تیݙی اپݨی دعا میݙی اپݨی دعا
تیں نہ منی میݙی میں وی چپ نہ رہیا
توں وی سݨدا رہیا میں سݨیندا رہیا
توں ہیں غیراں دا سنگ ہاں تیݙے نال میں
تیݙی اپݨی وفا میݙی اپݨی وفا
جیڑھے دشمݨ تیݙے ہن او دشمݨ میݙے
آ کھلو نال میݙےنہ کنڈ توں ولا
تیر کھاندا رہیا ظلم ساہندا رہیا
اف نہ کیتی سدا توں ہیں میݙا گواہ
توں وی ٹردا رہیا میں وی ٹردا رہیا
توں تاں وکھرارہیا میں نہ وکھرا تھیا
پوری کر اپݨی مرضی توں دل کھول کے
آج ہے ویلا تیݙا کل دا کیکوں پتا
پروفیسرمحمد سلیم احسن