سرور قریشی
اصل ناں غلام سرور
قلمی ناں سرور ؔقریشی
جٖمنْ 1933ء
جاہ پتہ احمد پور شرقیہ
سرورؔ قریشی فقیر منش، ملن سار تے کھلناں ہسناں دوستاں دا دوست شاعر ہے۔شاعری دیاں ڈوجھیاں صنفاں دے نال نال اوہ نعت وی خوبصورت لکھدن۔آپ دی غزل دا نمونہ ملاحظہ تھیوے!
غزل
[لکھو | ماخذ وچ تبدیلی کرو]ہونٹھ نہ کر لال اپنْے ہتھ نہ کر پیلے بٖہوں
آسوں پاسوں تیڈٖے رہندن لوک دردیلے بٖہوں
لفظیں وانگوں نقش تیڈے چہرے دے پڑھدا ریہاں
میڈٖے دل کوںبھا گٖئے تیڈٖے نین شر میلے بٖہوں
پیار دیاں رُتّیں ولیندی ہے تیڈٖے رخ دی بہار
پر تیڈٖیاں نظراں دے لگٖدن تیر زہریلے بٖہوں
میں کتھاں سوچاں کتھاں،اکھیں کتھاں نندراں کتھاں
کیتے میکوں ہک وچھوڑے نے ویہر ویلے بٖہوں
توں کھڑا رستے تے سرورؔ پیر گٖنْدا رہ گٖیوں
منزلاں تے پُجٖ گٖئے تیڈٖے یار پھُرتیلے بٖہوں