سرائیک قومیتی تحریک

اسلام علیکم ! سرائیک قومتی تحریک ءِچ جدت آوڑ والی ھے ۔ اے میڈا تجربہ ھے ۔ ایندی بنیادی وجہ اے ھِے سرائیک قومتی تحریک نال وابستہ او اشرفیہ دا جو پیپلز پارٹی نال وابستہ ھائی تے بیک وقت سرائیکی قومتی تحریک نال وی وبستہ رہے ھِن اوں پیڑہی دی عمر 60 / 70 سال تھی گئی ھے ایں عمر ءِچ انسان بجائے متحرک تھیوڑ دے خود کوں محدود کر بہندے پیپلز پارٹی دی سرائیکی وسیب ءِچ ناکامی دی اصل وجہ وی ایھے بُڈھے ھَن جو الیکشن ءِچ متحرک نہیں تھی سڳے پہلے اے الیکشن متحرک تھی تے پیپلز پارٹی کوں جتویندے رہے گئے ھن ۔ ایوین ھی سرائیکی قومتی تحریک کوں انھیں پیپلز پارٹی نال تقریباً 50 سال جوڑ تے رکھے انھیں نامرادں دی وجہ کِنوں سرائیکیں قومتی سطع وڈا نقصان چاتے ۔ ھڑ نوجوانیں دی اپڑی سیاسی سوچ ھِے جو انھیں بڈھیں دی سیاسی سوچ نال مطابقت نہیں رکھیندی ۔ ایں سانگے میں سمجھدا انھیں بڈھے دے سیاسی طور غیر متحرک تھیوڑ نال سرائیکی قومتی تحریک تے مثبت اثرات مرتب تھیسِن اَتے سرائیکی قومتی تحریک ءِچ جدت پیدا تھیسے جو مثبت اثرات دے حامل ھوسِن ۔ کیونجو نوجوان طبقہ پیپلز پارٹی ، تحریک انصاف ڈوھیں پارٹیں کِنوں اُمیداں وابستہ نہیں رکھی بیٹھا نوجوان سرائیکی طبقہ پہلے پیپلز پارٹی کو مجرم سمجدے اَتے تحریک انصاف ءِچ اوں حد تک وابستگی اختیار نہیں کیتی جیویں ماضی دے سرائیکی بُڈھے پیپلز پارٹی نال سیاسی وابستگیاں کیتی رکھے رہے گئے ھن ۔ نوجوانیں دا جہان سرائیکی قومتی حقوق پہلی فہرست ءِچ شامل ھوسِن ۔ ایں سانڳے سرائیک قومتی حقوق آوڑ والے دور ءِچ سیاست دا رخ بدلڑ دی پوری صلاحیت دے حامل ھوسِن ۔ (ڄام بھورل)