سرائیکی وسیب دا جغرافیہ

ایں بارے جانڑ سنجانڑ ہے تاں ادھوری تیں مکمل پر ول وی سرائیکی وسیب دے لوکیں خاص طور تے طالبعلمیں تے نینگریں کوں ایں بارے آگاہ کرنڑ ضروری اے۔ آکھیا ویندے سرائیکی خطے دی تریخ بہوں پرانڑی اے، جتنی کہ انسان دی خود اپنڑی تریخ، اتھاں پہلی واری انسان اپنڑے ڈو پیریں تیں ٹرنڑ سکھیا تے او انسان کوں انسان بنڑانونڑ دی ایت اگوں تیں ٹوری۔ ہک سرائیکی وسیب دی سلطنت ملتان دیاں حداں ہِک پاسے اجمیر ،بئے پاسے جالندھر امرتسر ، بئے پاسے کیچ مکران تے بئے پاسے ٹھٹھہ سندھ تک کھنڈیاں ہویاں ہِن۔ ملتان دا شمار کائینات دے انہاں عظیم شہریں وچ ہے جیرھے جو ہزار ہا سالیں توں کہیں نہ کہیں شکل وِچ آباد چلے آندن، ملتان کوں کائینات دا مزہبی مرکز ہوونڑ دا اعزاز وی حاصل ہے۔ ہک وقت سرائیکی وسیب دیاں سرحداں وسیع ہن، پر ہنڑ جڈاں حداں سنگڑدے سنگڑدے باقی رہ گئین انہاں دی تفصیل کجھ ایں طرح تے ہے۔

سرائیکی وسیب دے ڈویژن ، اضلاع تے تحصیلاں

ڈیرہ غازیخان ڈویژن: ڈیرہ غازیخان ، تونسہ شریف ، کوٹ چھُٹہ

ڈیرہ اسماعیل خان : ڈیرہ اسماعیل خان ، پہاڑ پور ، کُلاچی

مظفر گڑھ : مظفر گڑھ ، علی پور ، کوٹ ادو ، خان گڑھ ، جتوئی

لیہ : لیہ ، چوبارہ ، کہروڑ لعل عیسن

ٹانک : ٹانک

ملتان: ملتان ،شجاع آباد ، دنیا پور

ساہیوال : ساہیوال ، چیچہ وطنی

پاکپتن  : پاکپتن ، عارف والا

خانیوال  : خانیوال ، کبیر والا ، میاں چنوں

وہاڑی : وہاڑی ، میلسی ، بورے والا

لودھراں : لودھراں ، کہروڑ پکا ، جلال پور پیر والا

سرگودھا : سرگودھا ، شاہ پور صدر ، بھلوال

خوشاب : خوشاب، نور پور تھل،

قائدآباد، نوشہرہ

میاں والی : میاں والی ، عیسیٰ خیل،

پِپلاں

بکھر : بھکر ، کلور کوٹ ،منکیرہ

بہاولپور: بہاولپور، یزمان منڈی ،احمد پور شرقیہ، حاصل پور

بہاولنگر : بہاولنگر ، منچن آباد ،چِشتیاں ، ہارون آباد ، فورٹ آباد

رحیم یار خان : رحیم یار خان، لیاقت پور ، خان پور ، صادق آباد

ڈویں ناں وچوں فیصل آباد دا ادھ ڈویژن وی سرائیکی تے مشتمل ہے اتیں ٹوبہ ٹیک سنگھ وچ وی سرائیکی الائی ویندی ہے ۔ ایندے علاوہ سندھ تیں بلوچستان دے بہوں ضلعیاں دی مقامی زبان سرائیکی اے۔