سرائیکی لوک افسانہ: جزو دے کُل اِچ
عبادت دا وی ہر کہیں واسطے اپݨا اپݨا مفہوم اے، جے ٻہوں جِھکا ونڄ کے ݙکھچے تاں عقائد دی مفادات دے تابع ہوندن،ہُݨ مفادوت دا وی اپݨا اپݨا مفہوم اے۔ صوفی دے نزدیک نفع عام بندے کنیں مختلف اے پیغمبر دے نزدیک نفع دا مطلب بیک وقت صوفی تے عام لوکیں کیتے ہکواے،باقی تمام صفات کوں چھوڑ کیں ایہا ہِکا صفت اِی پیغمبر کوں تمام انسانیں تے فضیلت ݙیوݨ کافی اے۔ صوفی جیڑھا ہر سے کوں امکانات دے آخری حدیں کنوں ݙیہدے،ہک عام بندہ جیڑھا اَکھ دے اوڈھر کہیں شے کوں نہیں ݙیہدا ݙوہائیں پیغمبر دے آکھیے ہوئے لفظ کوں ہک یقین نال منیدن۔ جبکہ پیغمبر دی کہیں ڳالھیں دی ݙو معنی نہیں ہوندے۔ عبادت تے یقین نہیں کریندا،او وی تے عبادات دے منافع کوں ݙیہدا وی تے محسوس وی کریندے۔ ایں واسطے جو الہام براہِ راست تخاطب اے،خدا تاں تہاݙے دِلیں دی زبان کیتے ڳالھ کریندے اوندے کیتے جینکوں ذریعہ بݨایا ڳعے او وی تاں پوری نوع انسانی کوں وچوں ہک اے،ہک نہیں بلکہ پوری نوع انسانی اوندے وچ تجسیم پاتی اے۔ جزو،کل دا حصہ نہیں بلکہ تمام مفہوم اِچ ہک کل اے۔ ہک بےعلم جے اپݨِی ڳالھ نہیں سمجھا سڳدا۔ تاں ہک عالم وی تے عارف وی ایں مشکل دا شکار اے تساں ہک عرصے پہلے موجود کوئے نہ ہاوے تے ہک عرصے بعد موجود کونہ ہوسو۔ اے ہک عرصہ جیڑھا موجود ہاؤے او کتھاں اے؟ کیا تساں او عرصہ جیڑھا موجود ہاؤے اپݨے نہ ہووݨ دے وچوں علیحدہ کر سڳدے ہاؤ،یعنی جیڑھا پاݨی پُل دے ہیٹھوں وہا سڳدے ہاؤ،بےوسی دے ایں عالم اِچ صرف پیغمبر دی ڳالھ ایں یقین نال سُݨی ویندی اے جو ہاوَل تھی سڳدے۔ کیا اِتھوں وی کوئ وݙا معجزہ ہوندے۔