سرائیکی تے جنوبی پنجاب صوبہ

"جنوبی پنجاب نہ منظور"۔۔۔۔ صرف سرائیکی صوبہ بھانویں سو سال لڳن جدوجہد کوں"

سیکڑاں سرائیکی دوستاں کارکنان کوں وقتی اکھ کھلݨ تے مبارک تھیوے جو اے "چار یار رشتے دارعرف لوک سانجھ " کہیں دے کوئی نئیں نہ پی پی پی دے سڄݨ ہن نہ سرائیکی وسیب دے۔۔۔۔۔ اے ݙوہائیں کوں غلط بیانی کریندے پئین ۔۔۔ ݙوہیں کوں جنوبی پنجاب صوبے دا شوشہ چھوڑی کھڑن ۔۔۔۔۔۔۔ سرائیکی وسیب صرف " سرائیکی صوبہ" اپݨی شناخت سُنجاݨ نال منگدن ۔۔۔۔۔ جنوبی پنجاب صوبے آلے پنجابیاں دے ایجنٹ تے وسیٻ دے دشمن ہن۔۔۔۔۔ ہݨ ڄہڑا اساکوں جنوبی پنجاب صوبے دا درس ڈیوݨ آوے او جھلیسی بھانویں جتنا وڈا مہاندرا کیوں نہ ہوے ۔۔۔۔ لوک سانجھ سبھے وسیب نے رل تے بݨائی ہائی ۔۔۔ سبھیاں نے کٹھے کم کیتا ہا پر اے "ڈو یار رشتے دار" وسیب دی تنظیم کوں قابو کرتے اونکوں اپݨے مخصوص ایجنڈے کیتے استعمال کریندے آندن۔۔۔۔۔ اے پیپلزپارٹی دے سرائیکی کیڈر کوں پیپلزپارٹی دے خلاف استعمال کریندے پئین ۔۔۔۔۔۔ جیویں بہاولپور ءچ ق لیگ پی ٹی آئی نون لیگ تے جماعت اسلامی کوں پی پی پی دے کٹھے ہک ٹیبل تے تے یک ایجنڈے تے ٻلہاوݨ چاہندن ۔۔۔۔ جو سرائیکی صوبہ نئیں بلکہ جنوبی پنجاب صوبہ فائنل کرو۔۔۔۔۔بھاولپور ءچ انہاں دے میزبان تے خرچہ برداشت کرݨ آلے بھاولپور بحالی صوبہ تے جنوبی پنجاب صوبہ تحریک آلے ہوسٹ ہن جیہڑے اے میٹنگ کرویندے پئین جینکوں لوک سانجھ آلے اپݨاں کٹھ بݨاتے فیس بک تے مشہور کیتی ودن۔۔۔۔۔۔۔۔ اے ہے نام نہاد مقبوضہ لوک سانجھ دی حکمت عملی تے وسیب دے خلاف سازش۔۔انہاں کوں ایں سازش تیار کرݨ تے کون آمادہ کیتی کھڑے؟ انہاں دے پچھوں کون ہن ۔۔۔۔۔ وسیب سبھ کجھ ڄاݨدے ہن۔۔۔ سبھے لوکاں کوں تنظیماں کوں انہاں نال مکمل بائکاٹ کرݨ دی لوڑھ ء جب تئیں اے سدھے تھی تے صرف سرائیکی صوبے دی حمایت تے لوکاں توں اپݨی کیتی سازش دی معافی نئیں منگدے۔۔۔۔۔۔ انہاں کوں کہیں ہک وی سنجیدہ سرائیکی وسیب دے مہاندرے دانشور لکھاری تے سیاسی کارکن دی حمایت کوئی نئیں۔۔۔۔ اے وڈے وڈے ناں صرف خوبصورت مالا بݨا تے دکان چلاوݨ کیتے لکھے نے ۔۔۔۔ اے جتنے ناں اپݨے اشتیار ءچ لکھی کھڑن اے سبھے مہاندرے اڄ تئیں وسیب کوں صرف "سرائیکی صوبے دا درس ڈیندے رہ ڳئین او کیویں اڄ انہاں "چار یار تے رشتے دار" پارٹی دے آکھے لڳ تے جنوبی پنجاب صوبے وستے بہاولپور نونیاں نال رل ٻہسن۔۔۔۔۔ اصلوں فراڈ تے وسیٻ نال سرائیکی صوبے دی مضبوط متحرک تحریک نال سازش ء۔۔۔۔۔ انہاں کوں بہاولپور صوبے الے اندر خانہ اپݨی حمایت دا یقین دیوئی کھڑن جنہاں کوں خود گھر ءچ حمایت نہیں ملدی۔۔۔۔۔۔۔ اڄ پورا وسیب تے او سنجیدہ سیاسی کارکن آکھدے پئین جہڑے انہاں کوں علم دا دیوتا تے ایں فلم دا دلیپ کمار سمجھدے ہن۔۔۔۔۔ اساں تاں انہاں کوں بھوگی کھڑے ھہں تہوں آکھدے ہاسے۔۔ ۔ ۔۔۔۔۔۔۔سوجھل سئیں تساں ہُݨیں میڈی ہک پوسٹ تے واضح لکھ آے وے جو "میڈی صلاح اوہو ہے جیڑھی تل وطنی لوکاں دی ہے ۔میں سرائیکی صوبے دا حامی ہاں تے ایندے حصول کیتے جدوجہد کرن آلیاں دا بانہہ بیل ہاں" ۔۔۔۔۔۔۔

گالھ مُکی جو تساں وی سرائیکی صوبے دے حامی ہو وت اے باقی ڈرامہ کیا ہے جو جنوبی پنجاب دی بحث کراتے کُکڑاں دا پڑ لایا ونڄے۔۔۔ کیوں ۔۔۔۔ اینکوں " ڈی فیوژن " آکھدن شاکے توں ونڄ تے پچھاہے انتھراپولوجی دی ٹرم ہے ۔۔۔۔ لفظ ڈی فیوز توں نکلے ۔۔۔۔۔۔ ۔۔۔ اے سرائیکی صوبے دے سٹینڈ ۔۔۔۔ سنڄاݨ شناخت دے تاریخی سیاسی سفر کوں اتھاں آ تے " ڈی فیوز" کرݨ چاہندے ہن ۔۔۔۔۔ زمین تے صرف اے ڈو سرکار دے ملازم بندے راہندن جہڑے زمینی حقائق تو واقف ہن تے جنہاں سیکڑاں سرائیکی دے سیاسی کارکناں اپݨی عمراں اسماناں تے منڄھیں چھڑیندے گزاری ہوے۔۔۔۔ جو چالہی سال پورا وسیب سرائیکی صوبہ سرائیکی صوبہ کرتے اڄ ڈو کلہے گھوگدے شیاݨیں دے آکھے لڳ تے جنوبی پنجاب صوبہ گھنسن چا۔۔۔۔۔۔ جو بھئی کیا کروں اسٹبلشمنٹ دے سارے کماشتے ایندے تے راضی ہن ۔۔۔۔۔۔۔ ول اگے گندے کھڑے ھیں وݙے پنجاب ءچ بنجابی سڈویندے ۔۔۔۔۔ بعد ءچ اپݨا وسیب جنوبی پنجابی بݨا تے خود کوں جنوبی پنجابی بݨاتے اپݨی دھرتی اپݨی تحریک سبھ کجھ ڈے تے کیا اکھیسو اپݨے بالاں کوں جو ابو ۔۔۔ پہلے اساں سرائیکی ہاسے ول رنجیت سنگھ دے بعد اساں پنجابی بݨ گئے تے ہݨ اساں خیر نال وڈی جدوجہد کرݨ دے بعد مسیں جنوبی پنجابی آ بݨیں ہیں تے ہُݨ پُتر اڳلی ترئے نسلاں وت تساں سرائیکی شناخت تے اوندے کیتے صوبے دی جدوجہد کرݨی ہے ۔۔۔۔ واہ میڈی جند مریخ تے کوئی نئیں راہندا سبھے اتھاں زمین چھوڑ زمین دے اندر دے حقائق وی ڄاݨدن۔۔۔۔۔ جو اندر خانہ کیکوں سینیٹر بݨن دا شوق نئیں جھلیندا جو پوری سرائیکی سوال کوں ویچ تے سینیٹر بݨوں ۔۔۔۔۔۔۔۔۔ ابو اتھاں مفت سینیٹر کوئی نئیں بݨیندا ۔۔۔۔۔۔ایں پاروں کیا سنجیدگی تے جمہوری انداز نال سوچݨ دی لوڑھ ہتھوں زیادہ ہے جو ہک پاسوں ڈو بندے ہن جیندے ءچ ہک کوں کتاب پڑھدے پڑھدے اچانک خاموش لائبریری ءچ دھاڑ دھاڑ "اُریکا اُریکا " کریندا بھڄ پوندے جو اوں ڄنوبی پنجاب صوبہ لبھ گدے ۔۔۔۔تے ڈوجھے پاسوں پورا وسیب تساں سمیت تمام سرائیکی دے ادبی ثقافتی تے سیاسی تنظیماں تے انہاںدے اگواݨ ورکر اپݨی قومی شناخت نال صرف سرائیکی صوبہ منگدن ۔۔۔۔۔۔ جانی سیدھی تے سوکھی گالھ ء ایندے ءچ اتنا پریشان تھی تے دھو کݙھاوݨ دی گالھ کوئی نئیں جو جیکر انھاں پارلیمانی جماعتاں رل تے سرائیکی وسیب دی قومی شناخت دے بغیر کوئی وی فیصلہ کیتا تے وسیب ءچ پہلے تون وی زیادہ زور دی سیاسی تحریک چلسی زیادہ مظبوط تے کجھ ٻئے مقاصد نال ہوسی۔۔۔۔۔۔ ممکن ہے زیادہ خون خرابہ تھیسی ۔۔۔۔ زیادہ انسانی جان دا ضیاع تھیسی۔۔۔۔۔۔ اے قومی حقوق دی لڑائی ءے بقاء دی جنگ ء ۔۔۔۔۔ اج اینکوں اتھاں نہ روکا تاں ۔۔۔۔۔۔کم خراب ہوسی۔۔۔۔۔۔۔ اے فتویٰ کوئی نئیں پر شاکا صیب کوں میں چھوٹے لا توں ڄاݨداں ۔۔۔۔۔ پہلی واری ھاتھ پکڑ تے کالج ءچ وی میں ٻلہا آیا ہم میکوں پتہ ہے جو اونکوں ہلوسینیشن کیویں تھیندے۔۔۔۔۔۔ اہ شودا اپݨی جاہ تے سچا ء کیوں جو اونکوں اینویں لگدے ۔۔۔۔۔۔۔ ۔۔۔۔۔

شہزاد عرفان