سرائیکی اڳواݨ یا قبضہ مافیا

سب توں پہلے تاں اے پچھنڑے جیرھے سرائیکی اگوان سڈویندن جنھیں سرائیکی دا ناں گھن کے ٹُکر کھادے اُو بھانویں کوئ مہان شاعر ھے ادیب ھے سیاستدان ھے یا کہیں سیاسی پارٹی دا ورکر ھے اُنھیں ملتان ریلی ءچ کتنے بندیں نال شرکت کیتی ھے کیوں جو اے کہیں پارٹی دی ریلی نہی سرائیکی ریلی ھئ،پہلے تاں آئے نہ ھوسن اگر آئے وی ھوسن تاں ہک ادھ بندے نال، گال اے ھے ساڈی سرائیکی تیں قبضہ مافیا دی حکمرانی ھے تساں ڈیکھسو کوئ ریلی، جلسہ، مشاعرہ، میٹنگ، جتھاں وی سرائیکی کٹھ ھوسی چند مخصوص بندے قابض ھوسن، کہیں ورکر کوں کہیں وسیب دے نال محبت کرنڑ آلے کوں الاونڑ دا موقعہ تک نیں ڈتا ویندا، ساڈے چند کرتا دھرتا جیرھے خودنمائ ءچ پیش پیش ھوندن اُو آپکوں عقل کُل سمجھ کے ٹاں ٹاں شروع کر ڈیندن، زمینی حقائق تیں اگر نظر ماروں تاں سرائیکی دا پرچار کرنڑ آلے سرائیکی وسیب نال عشق کرنڑ آلے سوشل میڈیا تیں ڈینھ رات سرائیکی قوم کوں جگاونڑ آلے ساڈے ہیرو جنھیں ءچ، قابل زکر قابل عزت سئیں فرحان خان بھٹہ، حنيف جعفری، سئیں اقبال بلوچ، سئیں عاشق حسین صدقانی، سئیں معوذ ٹانک، سئیں شاہنواز شانی، بے وی کافی سارے سجنڑ ہن جنھیں دی محنت کوں کڈھائیں داد نیں ڈتی گئ، کڈھائیں اظہار خیال دا موقعہ نیں ڈتا گیا، ایندی وجہ سمجھ توں باھر ھے، ڈُوجھا گلہ سرائیکی شعراء نال ھے جیرھے سرائیکی کلام پڑھ کے مشہور تھئین انھیں ڈھولنڑ دا پوچھڑ اینجھا پکڑیے نے جو ایلفی تھی گئین نہ وسیب کوں جگاونڑ دی کوشش کیتی نے نہ کوئ عملی کم اینجھا نظردے جتھو سرائیکی خطے کوں فائدہ تھیاء ھووے.

آخر تیں ایھا کجھ درخواست ھے سرائیکی اگوانیں کنیں تھاکوں شاید کوئ پارٹی کوئ این جی اوز یا اٰڈوں ایڈوں روپیہ ڈو دی لالچ ھوندی ھووے مگر جنھیں لوکیں دا میں ناں گھدے اے سچے تیں کھرے موتی ہن میڈے وسیب دے انھائیں عام ورکریں دی محنت ھے محبت ھے جو اج پورے ملک ءچ ساڈے حقوق دی گال تھیندی پئ ھے میڈی طرفوں تساں ساریں بھرانویں کوں عقیدت بھریا سلام میڈی خواہش ھے میں وی تساں جتناں آپڑیں وسیب نال سرائیکی نال محبت کراں.