سرائیکی ادب تے تعلیمی ادارے
ہݨ تاں سرائیکی ادب تعلیمی اداریاں ءچ منڈھلے پاسوں شروع تھئے جتھ وسیب دے ٻالاں نینگراں کوں اپݨی مادری سرائیکی زبان ءچ اوں ادب دی لوڑھ ء ڄیڑھا ہک پاسے پاڑاں لتھی ہزاراں وریہاں قدیم ثقافت، تہذیب، لوک دناوت، ہُنر آرٹ تے تاریخ کوں نشابر کرے تے ݙوجھے پاسوں روشن خالی، ترقی پسندی، انسان دوستی اتے جدت پسندی کو گھن تے سیاسی سماجی شعور دے ودھارے دی بݨیاد بݨے۔۔۔۔۔ تعلیمی ادارے تاں اڄ وی آزاد کوئی نئیں۔ اے تعلیمی ادارے ہک ایسے ریاستی بیانئے دے ٻدھل ہن ڄیہڑا عوامی سوچ دے اُپٹھ ءچ ء۔
ظاہر ء جتھ عوام معاشی سماجی تے سیاسی جبر دا مستقل شکار تھئے آندے ہوسن اتھاں عوامی بیانیہ احتجاجی مزاحمتی ادب دی صورت ءچ نشابر تھیسی ـ اونکوں کہیں تعلیمی ادریاں ءچ نہ کورس ءچ لیسن نہ پڑھیسن تے نہ ءی ٹی وی ریڈیو دا حصہ بݨیسن ہا البتہ جتھاں ادب برائے ادب یا آداب ہے تعبیداری ء او قابل قبول سمجھا ویندے۔ خیر میݙے کیتے وݙا تخلیقی ادب اوہو ءے جینکوں کہیں ریاستی اداریاں توں زیادہ عوام لوکائی دی سوچاں ءچ دل ءچ جاء تے رتبہ ملے ، جینکوں پیڑھیاں در پیڑھیاں اڄ دی ڳالھ سمجھ تے اپݨی ڳالھ سمجھِن تے اڳھاں ٹورن۔ میں ہک ترتیب نال ملک عبداللہ عرفان ہوراں دے کم کوں باقاعدگی نال فیس بک سوشل میڈیا ءچ گھن آنداں پیاں ۔ کجھ کتاباں پاکستان ءچ کتابت ءچ ݙے آیاں کُجھ دی پروف ریڈنگ شروع ءے ـ اے انتہائی ضروری ء جو ملک عبداللہ عرفان سئیں ہوراں دا کم جتنی جلدی تھی سڳے نویں پیڑھی دے ہتھڑیکے تھیوےـ
شہزاد عرفان [١]