سرائیکستان نال مکاݨ

عنوان:اپنڑیں پیارے لیڈر سرائیکستان خان دے نال مکانڑ

شاہین ہک استعارہ ہے لفظ شاہین الیندوں تاں تنہائی دا خوف نئیں تھیندا شاہین دا مفہوم ہے ننگی تلوار شاہین دا مطلب ہے سارا سچ شاہین دا نعرا ہے آپ کنوں ڈاڈھے نال جنگ شاہین دی لغات وچ ٹھئی دا لفظ کائنی او شخص سراپا جنگ ھا اوندی ساری زندگی طبقاتی جنگ وچ گزر گئی شاہین اپنڑیں مورچے تے با وردی مضبوط کھڑا رہ گیا مرنڑ دے بعد وی سرائیکی پرچم اوندے کفن دا حصہ ہا باوقار حیاتی پرسکون مواتی سر خرو تھی تے وسبے دا دھرتی ما دی جھولی وچ سم گیا ھے شاہین ساری زندگی بایاں بازو دے سنگ گزاری سرائیکی قوم پرستیں دے اندر اوندا اچا مقام ہا سرائیکی صاحب دا فرمان ہا جو سرائیکی سوال وچ بہوں وڈی طاقت ہے ایں گالھ دا ثبوت ہے میں ٹردا پیا ھاں او ہک با کمال لیڈر ،بے مثال کارکن اور سب توں وڈی صفت اے ھئی جو او کہین انڑ سونہیں شہر وچ 20 منٹ دے اندر جلسہ جلوس تے روڈ بلاک کر گھندا ہا اوں کنیں اوزار ہن فارمولے ہن سیاسی سوالیں کوں الجبرے دے وانگوں ہل کریندا ہا شاہین صاحب ترائے لفظیں دا دشمن ہا سمجھوتہ ،ریا کاری تے بزدلی شاہین صاحب جماندڑوں لیڈر ہا ساری عمراں ناں رکے ، ناں جھکے، ناں تھکے تے ناں وکے دھرتی تے پورے دھرم ،شرم تے بھرم دے نال کنڈیاں دی سیج تے ستے مرحوم دی سیاست دی سی ڈی دے وچ سکریج کائنی او ساری زندگی موزعے تنگ اور کارل مارکس دا ناں عزت نال گھندا رہ گئے او سہی معنے دے وچ میرٹ تے سرخ سلام دا حقدار ہے میں اپنڑی نشست تے اٹھیاں کھڑاں شاہین صاحب کوں سلام پیش کرینداں. صوفی تاج گوپانگ