ساجد راہی
اصل ناں ساجد حسین
قلمی ناں ساجد راہی
جمن 1970ء
تعلیم میٹرک
پیشہ زمیندارہ
فون نمبر 03006708388
جاہ پتہ وستی بابا غریب شاہ، رحیم یار خان
ساجد راہی رحیم یار خان دے مہاندرے شاعر ہن ،1990کنوں شاعری کریندے پئین۔سوچ سمندر، تے لُکھ دے جھولے ، انہادیاں ابتدائی کتاباں ہن ۔انہاں توں علاوہ وی آپدیاں کئی شعری تخلیقات چھپ چکیاں ہن ۔ اوہ اپنی شاعری وچ محبوب دے لب و رخسار تے ناز و انداز دی گالھ وی کریندن،جیڑھی جو غزل دا مخصوص مزاج ہے ۔تے نال دے نال اپنے وسیب دے ڈکھ درد تے محرومیاں دی گالھ وی کریندن۔ساجد راہی صاحب چونکہ ہک بالغ نظر شاعر ہن ۔تے اوہ معاشرے تے پوری نظر رکھدن۔تے حالات دا تجزیہ کریندن۔تے معاشرے وچ اخلاقیات توں گرے ہوئے تنگ نظر لوکاں کوں اخلاقیات دا درس ڈیندن ۔تے آہدن۔
؎اُنس اپنے دل دیوچ پیدا کروں غیر کوں اپناں بناون سکھ گھنوں
(1) غزل
[لکھو | ماخذ وچ تبدیلی کرو]تیڈے ناز نخرے ادا میڈا ماہی
توں مانے جوانی سدا میڈا ماہی
تیڈا لب کوں چولن تیڈ ا مسکراون
ڈیندے ہوش سب دے بھلا میڈا ماہی
ہے ہک چیل پتلی ڈوجھا نین قاتل
ہے ز لفیں دی کالی گھٹا میڈا ماہی
کیوں بھوچھن دی اوڈھر پیا مکھڑا لکیندیں
ذرا رُخ توں پردہ ہٹا میڈا ماہی
توں کھلدیں تیکوں ڈیکھ تارے پئے کھلدن
تَیں کیتا چا ساکوں فِدا میڈا ماہی
تیڈے ناویں راہیؔ چا سہ اپنے لیسی
توں ہکوار نظراں ملا میڈا ماہی