سائیں ظہور

وکیپیڈیا توں
سائیں ظہور آپݨے فن دا مظاہرہ کرین٘دے ہوئے

سائیں ظہور (پنجابی:ਸੈਨ ਜ਼ਹੂਰ) (ڄَمَّݨ دی تَرِیخ: ١٩٣٧ء) اوکاڑہ، پاکستان نال تعلّق رکھݨ آلے ہِک صوفی ڳائیک ہِن۔ انّھاں نے آپݨی حیاتی دا زیادہ ویلا درباراں اَتے درگاہواں اُتّے لنگھایا ہِے۔ ٢٠٠٦ء تُوں پہلاں اِنّھاں دا کوئی کلام ریکارڈ کائے ناں تِھیا ہئی جاں جو اُوہ عوامی ڳائیک ہووݨ دے پارُوں بی بی سی ورلڈ میوزک ایوارڈ کِیتے نامزد وِی تھئے ہَن۔[١] [٢]سائیں اِنّھاں دا ناں کائے نِھیں جاں جو اِیہ سندھی قوم دا ہِک لقب ہِے۔

حیاتی[لکھو | ماخذ وچ تبدیلی کرو]

سائیں ظہور ساہیوال ڈویژن دے ہِک ضلع اوکاڑہ، پاکستان وِچ ڄَمّے ہَن۔ اُوہ اپݨے ٹَٻَّر وِچ سبھ تُوں نِکّے اَتے اِنّھاں نے پنڄ ورھیاں دی عُمر تُوں اِی ڳاوݨ دا اَغاز کر ݙِتّا ہئی۔ ݙاہ ورھیاں دی عُمر وِچ اُنّھاں نے گھر کُوں خیر آباد آکھ تے درباراں اَتے خانقاہواں کُوں آپݨاں ٹِکاݨاں بݨا گِھدّا۔

٢٠٠٦ء وِچ اُنّھاں دا پہلا مجموعہ کلام "آوازیں" دے ناں نال متھیلا ریکارڈز دے ذریعے سامھݨے آیا۔ ٢٠٠٧ء وِچ اُنّھاں نے ہِک پاکستانی فلم "خدا کے لیے" کِیتے ہِک ڳاݨاں وی ڳایا۔ ٢٠١١ء وِچ اُنّھاں نے ہِک برطانوی فلم "ویسٹ از ویسٹ" کِیتے ڳاݨاں ڳایا اِین٘دے تُوں انج اُنّھاں نے اِیں فِلم وِچ اداکاری وی کِیتی۔[٣]

دُھم پاوݨ آلے ڳاݨے[لکھو | ماخذ وچ تبدیلی کرو]

  • تمبا (کوک سٹوڈیو پاکستان سیزن 2)
  • اللہ ہو
  • نچݨاں پین٘دا اے
  • تیرے عشق نچایا
  • اک الف تیرے درکار (کوک سٹوڈیو سیزن 2)
  • اللہ ہو (کوک سٹوڈیو سیزن 6)
  • ربا ہو (کوک سٹوڈیو سیزن 6)

فِلماں[لکھو | ماخذ وچ تبدیلی کرو]

اِنّھاں دی موسیقی اِیں فِلم کِیتے استعمال کِیتی ڳئی۔ اَتے اِین٘دے وِچ اِنّھاں نے اداکاری وی کِیتی۔

  • "ویسٹ از ویسٹ" (2010) - تمبا اور ایک الف

حوالہ جات[لکھو | ماخذ وچ تبدیلی کرو]

  1. صوفی دی چوݨ۔ دی گارڈین تُوں آرکائیو تِھیا ہویا۔ تریخ: ٢٤ فروری ٢٠٢٢ء
  2. سائیں ظہور دا بی بی سی دے حوالے نال تعارف تُوں گِھدّا ڳیا۔
  3. سائیں ظہور صوفی دی رُوح کُوں مغرب گِھن ڳئے۔ (انگریزی تُوں آرکائیو تِھیا ہویا)۔

بیرونی روابط[لکھو | ماخذ وچ تبدیلی کرو]

سائیں ظہور کئی ݙہاکیاں تُوں درباراں اُتّے ڳان٘دے وَدّے ہِن۔آرکائیو تِھیا ہویا۔