سئیں مظہر مسعود صاحب
سئیں مظھر مسعود صیب،
کڈھائیں سوچیا وی کیناں ھاسے جو ھک ڈینھہ ایویں بانھیں ولا تے اپنڑے استاد دے نال کھڑ تے کھل کھل تے فوٹو چھکویسوں جنھاں کوں چھڑا ڈیکھ تے ساڈا اتے دا ساہ اتے تے تلے دا ساہ تلے ریھہ ویندا ھا ؛ موں تے بارھاں وج ویندے ھن ؛ دل دی بھج دھرک ایڈی ودھ ویندی ھئی جو لگدا ھا ھنڑیں بت اچ نکھتا. ایڈی دھشت ھوندی ھئی سئیں مظھر مسعود صیب دی جو سلطانہ ڈاکو تے مغل بادشاھواں دی وی کیناں ھوسی. کٹیندے وی ایں ھن جو ننانوے تے ونج تے بھل ویندے ھن ھا ڈیکھاں ھک گال اے جو کھلے لگدے ھوں شرگد کوں ھن جیندا حق بنڑ ویندا ھا کھلیاں دا. پڑھانونڑ دے بادشاہ ھن بادشاہ جئیں پڑھئیے انھاں کولوں او رنگیا گئے جنھاں استاداں کیتے اساں منتاں منیندے ھوندے ھاسے تے دعاواں کر کر تھکدے ناں ھاسے اللہ سوھنڑے دے در تے جو بیمار تھیون یا کجھ تھیوے سکول ناں آنون انھاں اچوں سئیں اراں دا ناں اتے اتے ھوندا ھا ؛ اللہ سوھنڑیں دی ونڈ تاں ڈیکھو اوھے استاد ناں بیمار تھیندے ھن تے ناں چھٹی کریندے ھن جنھاں کیتے دعائیں منگ منگ تے ساڈا موں سک ویندا ھا. اللہ سوھنڑاں سکھی صحت دے نال وڈی حیاتی ڈیوے سئیں مظھر مسعود صیب کوں علم تے ادب دا سنگھار تے سنھڑپ ھن ایجھے لوگ ھنڑ تاں ایجھے استاد لبھدے ای کینی اللہ جانڑدے سئیں مظھر مسعود صیب دے نال فوٹو چھکواونڑ میڈے کیتے سچ مچ وڈی پھوت تے وڈائی آلی گال اے. جتھ پیر ھوونیں اتھ خیر ھوونیں شالا آمین.
5 دسمبر 2018 کوں الحاج شکیل کھوکھر ( شکیل جنرل سٹور آلے ) دے گھر (سلیم خان نیازی)