زہرہ لیلیٰ جویری

زہرہ لیلیٰ جویری (اردو: زہرہ لیلی جاویری) (انگریزی: Zehra Laila Javeri) (ڄَمَّݨ دی تَرِیخ: ١٥ اکتوبر ١٩٧١ء) اُوہ ہِک پاکستانی فنکارہ ہِن۔ اِیں ویلے اُوہ پاکستان دے شہر کراچی وِچ رہن٘دی ہِن۔ "ماتمی پہناوا" دے ناں نال لیلیٰ جویری دی پہلی کَلّھی نمائش جنوری ٢٠١٤ء وِچ کینوس گیلری، کراچی وِچ تھئی۔ جویری کُوں اپݨی ماسی، فنکارہ "لیلیٰ شہزادہ" نے ٻہوں متاثر کِیتا۔ جویری دا ݙوجھا نون سولو شو، جین٘دا مُکھ "پاکستان آرٹ ٹو ڈے" ہِے، دا انعقاد ہندوستان دے دہلی دے للت ہوٹل وِچ تِھیا۔

ابتدائی حیاتی

زہرہ جویری صراف حسن علی محمد اَتے عائشہ جویری دی دِھی ہِن۔ اِنّھاں دے چار بھیݨ بِھرا ہِن، جِنّھاں وِچ مہان٘درے فوٹو گرافر ٹیپو جویری اَتے سینئر سرکاری ملازم ربیعہ جویری آغا شامل ہِن۔ اُوہ ابتدائی تعلیم کِیتے کنوینٹ آف جیسس اینڈ مریم ڳئی اَتے وَل ماؤنٹ ہولیوک کالج، میسا چوسٹس وِچ، بشریات دے مطالعہ کِیتے تعلیم حاصل کرݨ لڳّی۔ اِین٘دے بعد اُوہ لندن سکول آف اکنامکس وِچ ماسٹرز کِیتے انگلینڈ ٹُر ڳئی اَتے وَل تعلیم مکمل کر تے پاکستان وَل آئی جویری ٹَٻَّر دی ڄَڑاں جام نگر ،گجرات بھارت نال مِلدیاں ہِن۔ جِتّھاں اُنّھاں دے وݙ وݙیرے نواباں کِیتے ڳہݨے بݨین٘دے ہَن۔

کَم کار آلی حیاتی

جویری اپݨے ابتدائی ورھیاں تُوں ای پینٹنگ اَتے آرٹ تخلیق کرین٘دی رہی ہِن۔ اُنّھاں نے کراچی وِچ کینوس گیلری وِچ پہلا شو کِیتا، جین٘دا مُکھ "ماتمی لباس" ہئی۔ اِیہ شو کئی ورھیاں تئیں بحث اِچ رِیہا۔ ہِک پاکستانی نقاد مارجوری حسین نے آکھیا:

"اُنّھاں نے سربیا جنگ تُوں متعلق ہِک تصویر کَن اشارہ کرین٘دے ہوئے آکھیا: اُنّھاں نے ٻہوں سارے عالمی موضوعات خاص طور تے صنف دے حوالے نال اپݨے کَم وِچ شامل کِیتن"۔

اِنّھاں دا ݙوجھا نون سولو شو، "پاکستان آرٹ ٹو ڈے"، دِلّی دے للت ہوٹ وِچ تِھیا۔ اِین٘دے وِچ ١١ پاکستانی فنکاراں دا کَم پیش کِیتا ڳیا ہئی اَتے "اسلام آباد" وِچ بݨی ہوئی گیلری "مائی آرٹ ورلڈ" نے اِیکُوں تیّار کِیتا ہئی اَتے دہلی تئیں وݙے وݙے پاکستان ٹریڈ شو دا حِصّہ ہَن۔ جویری دے نال ٻہوں سارے ٻئے پاکستانی فنکار مثلاً ایس سی مجسمہ کار امین گل جی، فوٹو گرافر ٹیپو جویری، ماہر اُمور ساحر سید اَتے پاپ آرٹسٹ سو مایاہ جیلانی وی موجود ہَن۔ نمائش دی خاص ڳالھ آرٹ آئیکن ستیش گجرال دی سنڳت ہئی جِنّھاں نے شو کُوں کھولݨ کِیتے ݙِیوا ٻالیا اَتے رواں فن پارے دا اَغاز وی کِیتا۔ "اصل وِچ، جویری اَتے کُجھ ٻئے پاکستانی فنکاراں نے گجرال دے نال ہِک فن پارہ تیّار کِیتا، اتے اُون٘دے اُتّے تبصرہ کِیتا جو "اِیہ افسانوی اَتے ٻہوں مہربان ہندوستانی فنکار ستیش گجرال دے نال رنگ بھرݨ دا ہِک قابلِ ذکر موقع ہئی۔" جویری کُوں آس ہِے جو اُوہ ہِک پیشہ ور دی حیثیّت نال اپݨے کَم کار کُوں جاری رکھیسِن۔