زبیدہ خانم

وکیپیڈیا توں

زبیدہ خانم (اردو: زبیدہ خانم) (ڄَمَّݨ دی تَرِیخ: ١٩٣٥ء ۔ فوت تِھیوݨ دی تَرِیخ: ١٩ اکتوبر ٢٠١٣ء) ہِک پاکستانی پِچھوکڑ اَواز ڳائیکہ ہَن جِنّھاں نے ١٩٥٠ء اَتے ١٩٦٠ء دے ݙہاکیاں دے پاکستانی فلمی موسیقی دے سنہری دور دے وِچالے ٢٥٠ تُوں وَدھ ڳاݨے ریکارڈ کِیتے۔[١][٢] اُنّھاں نے مایہ ناز اداکارائیں کِیتے پِچھوکڑ اَواز ڳائیکی کِیتی ہِے موسیقی وِچ اُچّیاں اداکارائیں کُوں اپݨی اَواز ݙیوݨ تے اُنّھاں کُوں ہالی ووڈ دی مارنی نیکسن دے برابر سمجھیا وین٘دا ہئی۔[٣]

ابتدائی حیاتی[لکھو | ماخذ وچ تبدیلی کرو]

زبیدہ خانم ہِک مسلمان ٹَٻَّر وِچ ١٩٣٥ء وِچ برطانوی ہند دے شہر امرتسر وِچ ڄَمّی ہئی۔ اِیہ ٹَٻَّر ١٩٤٧ء وِچ اَزادی دے بعد کوچ کر تے پاکستان آ ڳیا۔ [١]زبیدہ کلاسیکی موسیقی دے کہِیں روائیتی ٹَٻَّر [٢]نال تعلق نئیں رکھین٘دی ہئی اَتے کݙان٘ہِیں وی موسیقی دی باقاعدہ تربیّت حاصل نئیں کِیتی۔[٤] جِہڑیلے اُنّھاں کُوں ریڈیو پاکستان دے لاہور ٹیشن تے ڳاوݨ دا موقع مِلّیا تاں اُنّھاں کُوں نِکّے لاء وِچ اِی ڳاوݨ دا موقع ݙِتّا ڳیا ہئی۔ مہان٘درے پاکستانی سورن لتّا اَتے اُنّھاں دے فلم دے پروڈیوسر پئے نذیر نے ریڈیو ٹیشن تے اُنّھاں دی ڳائیکی کُوں پسند کِیتا اَتے اُنّھاں کوں آوݨ آلی فِلم شہری بابو (١٩٥٣ء) کِیتے چُݨ گِھدّا جین٘دے وِچ اُنّھاں نے ٻہوں سارے سپر ہِٹ فلمی ڳاݨے ڳائے۔ اُنّھاں نے اپݨے کَم کار دا عروج اُتّے فلم کیمرا مین ریاض بخاری نال شادی کِیتی اَتے ٹَٻرتّی حیاتی لنگھاوݨ کِیتے فلمی صنعت کُوں خیر باد آکھ ݙِتّا۔ اُنّھاں دے ݙو دِھیاں اَتے ݙو پُتر ہن۔ اُنّھاں دا ہِک پُتر ہِک فلم کیمرا مین سیّد فیصل بخاری ہِے۔

فلمی کَم کار[لکھو | ماخذ وچ تبدیلی کرو]

زبیدہ خانم نے فلم بِلّو (١٩٥١ء) وِچ بطورِ ڳائیکہ کَم کار آلی حیاتی دا اَغاز کِیتا۔

وفات[لکھو | ماخذ وچ تبدیلی کرو]

زبیدہ خانم دا انتقال ١٩ اکتوبر ٢٠١٣ء کُوں لاہور وِچ ٧٨ ورھیاں دی عُمر وِچ گھر وِچ دِل دا دورہ پووݨ دے پارُوں تِھیا۔[٥][١]

حوالہ جات[لکھو | ماخذ وچ تبدیلی کرو]

  1. ١.٠ ١.١ ١.٢ زبیدہ خانم دے مرݨ تے چَھپیل خبر تُوں گِھدّا ڳیا۔
  2. ٢.٠ ٢.١ لالی وُوڈ دی ہِک ٻئی ڳائیکہ ٹُر ڳئی۔
  3. احمد مُنیر دی پوتھی وِچّوں گِھدّا ڳیا۔
  4. زبیدہ خانم دا تعارف ݙیکھو (انگریزی ٻولی وِچ)
  5. زبیدہ خانم دا یو ٹوپ اُتّے انٹرویو تُوں گِھدّا ڳیا۔