رند

رند بلوچاں دا اہم ترین ماخذ ہے تے حقیقت وچ براہوئی رند کوں بلوچ دا مترادف سمجھدے ہن۔ انہاں دے خالص ہوݨ تے ایں قدر شہرت ہے کہ ہر بلوچ اپݨے آپ کوں رنداں دا ہم نسل بݨاوݨ دی کوشش کریندے۔ فارسی وچ ایں ناں دے معنی عیاش، شورش پسند، لا ابالی تے خطرہ آزما دے ہن۔ مکران دے علاقے مند وچ انہاں دی وݙی آبادی ہے۔ او شوران دے رند انہاں دی نسل دے مدعی ہن۔ ڈیرہ غازی خان، مظفر گڑھ، گھوٹکی، ملتان، جھنگ، شاہپور تے ساہیوال وچ بلوچاں دیاں کجھ وستیاں ہن جیہڑیاں رند سݙویندن۔

ہیوگربکر دا آکھݨ ہے کہ سارے بلوچ رنداں نال اپݨا رشتہ جوڑݨ دی کوشش کریندن۔ ہمسائے انہاں دا احترام کریندن تے سارے بلوچ روایات انہاں دے ہیرو میر چاکر خان رند دے گرد ڳھمدیاں ہن۔ روایات دے مطابق رند کرمان توں نکلݨ دے بعد کیچ تے کولواہ وچ رہندے ہن، جتھاں ہݨ وی رند موجود ہن۔ ول سندھ آئے تے اتھوں پنجاب چلے ڳئے۔ بلوچ روایتاں دے مطابق میر جلال خان دا وݙا پتر رند ہئی، جیندی سربراہی وچ رند یارھویں صدی وچ مکران آئے تے تقریباً پنج سو سال اتھاں رہے۔

ماخذ

بلوچستان گزیٹیر

ہتو رام ۔ بلوچستان

برگیڈیر ایم حسن عثمان ۔ بلوچستان