رب نواز مخموؔر
رب نواز مخمور سرائیکی زبان دا شاعر ہے۔
اصل ناں ربنواز
تخلص مخمور
جمن 1970ء
تعلیم پرائمری
پیشہ نکاح رجسٹرار
فون نمبر 03328837588
جاہ پتہ جھوک منجھانی،عمر کوٹ تحصیل روجھان ضلع راجن پور
شعری مجموعہ ’’زمانہ چندر تے پُج گئے‘‘ تے ڈوہڑہ جات دا مجموعہ ’’مونجھے خواب‘‘دے خالق سئیں ربنواز مخمور د ا تعلق عمر کوٹ تحصیل روجھان ضلع راجن پورنال ہے۔آپ سرائیکی دے مہاندرے شاعر ہن۔سرائیکی شاعری دیاں تقریباََ ساریاں صنفاں لکھدن۔جڈاں جو ڈوہڑہ تے غزل انہاں دیاں پسندیدہ صنفاں ہن۔جتھوں تائیں مخمور صاحب دی شخصیت دا تعلق ہے تاں آپ ہک خوش اخلاق ،ملنسار تے ہر دلعزیز شخصیت دے مالک ہن ایہا ای وجہ ہے جو آپ دا حلقہئِ احباب بہوں وسیع ہے۔بہر حال آپ یاریں دے یار بیلی تے یاریں توں محبت حاصل کرن آلے خوش نصیب شاعر ہن۔
تَہوں دنیاتوں پچھی تے رہ ڳیوں
تیݙی محفل ہئ چُنڈیتے رہ ڳیوں
سچ الاوں تاں الاوں کیویں
چپ دا اےزہر جو پی تے رہ ڳیوں
جیئں لھے پرکھیے تاں پرایا نکھتے
ہک ایجھےشخص دےتھی تےرہ ڳیوں
کُئ تاں ہووے جو انا الحق ٻولے
اپݨےلب تاں اساں سی تے رہ ڳیوں
کون ساݙاھے بھریے شہر دیوچ
صرف تیئں یار دے کیتے رہ ڳیوں
ہا تیڈا قرب رقیبیں کارݨ
ساݙی قسمت ہَئ کنڈیتے رہ ڳیوں
رہ ڳئ سوچ پِچھُونہی ساݙی
اپݨی ڄاݨ اچ تاں اڳیتے رہ ڳیوں
یاتاں ہاسے اساں بزم اچ مخمور
تیئں جومونہہ پھیرےکَنی تےرَہ ڳیوں
""رب نواز مخموؔر عمرکوٹ""