دیوان ولایت شاہ بخاری

دیوان ولایت شاہ حضرت خواجہ غلام فریدؒ دے ݙاڈھے پیارے مرید ہن۔ آپ دا تعلق اوچ شریف دے بخاری سادات نال ہائی۔ بخاری سید ہووݨ دے باوجود آپ حضرت خواجہ فرید دے مرید ہن۔ حضرت خواجہ فرید جہڑے ویلے حج مبارک تے تشریف گھن ڳئے تاں ولایت شاہ وی آپ دے نال ہن۔ آپ پیر دے رن٘گ وچ ایں رن٘گیج ڳئے ہن جو لباس، چال، ڈھال، ٻول چال، سوچ فکر، سبھ کجھ آپݨے پیرومرشد دے انداز وچ نظر آوے ہا۔
مخدوم ولایت شاہ بخاری دی شاعری اُتے حضرت خواجہ فرید دا اثر نشابر ہے۔ آپ انھاں دے رنگ وچ شاعری کریندے ہن۔ اوہے مضامین، اوہے خیالات تے کافی، اوہو صوفیانہ مزاج ہائی۔

کتاباں

دیوان:مولوی خیرالدین صابر ملتانی "گنج عرفانی موسوم بہ دیوان لاثانی" دے ناں نال چھپوایا ہائی ۔ جیندے وچ ١٠٩ کافیاں ہک ٻارھاں ماسہ ٦٣ ݙوہڑے شامل ہن۔
قانون صرف: حضرت شاہ ولایت دینی مدارس وچ پڑھاوݨ کیتے قنون صَرف کوں منظوم تحریر فرمایا۔ ایندا ناں "قوانین منظومیہ ہندیہ" رکھا۔ ایہ وی ہک درسی کتاب ہے۔ شاہ ولایت کنوں پہلے وی عربی دے قنون کہیں ٻئے عالم دین وی سرائیکی وچ لکھے ہن۔ مگر شاہ ولایت آہدے ہن جو اُوندی زبان یا طرز بیاں ٻہوں اوکھا ہائی۔ کہیں کوں سمجھ نہ آندا ہائی۔ہیں کیتے انھاں کوں قوانین منظوم کرݨ دی ضرورت پیش آئی۔ ایہ رسالہ چوی صفحیاں دا ہے۔ جیکوں کتب خانہ خضر منزل ملتان شائع کرایا ہائی۔

• قانون صرف دے کہیں شخص نے ہندی وچ بݨائے
  

پر یاد کریندا بندیاں نوں اوہ وی مشکل نظر آئے