دیرہ جات وچ مقامی تے غیر مقامی
مقامی تے غیر مقامی
قیصرانی بزدار لنڈ کھوسہ لغاری دریشک مزاری اے بلوچ قوماں صدیاں توں کوہ سلمان دے دراز سلسلہ وچ آباد ہن انہیں جنگجو قومیں دا گزر بسر دا سلسلہ لٹ مار ہئی کھیتی باڑی دا کوئی خاص سلسلہ نہ ہا بارش تے نائیں دے پانڑی تے سارا دارومدار ہا جڈا قحط پووے ہا تاں اے لوک پہاڑیں کنوں لہہ کے دریا سندھ دے پچادھی پاسے صدیاں توں آباد مقامی لوکیں تے حملہ آور آن تھیندے ہن مال مویشی اناج عورتیں دی لٹ مار کرکے واپس ول ویندے ہن
پہلے تاں کوئی خاص مزاحمت نہ تھیندی ہئی اگر مقامی لوک مزحمت کرن وی ہا تاں قتل کر ڈتے ویندے ہن
اے سلسلہ بڑا عرصہ چلدا ریہا کجھ عرصہ دے بعد اے قبیلے پہاڑیں کنوں مکمل طور تے ہجرت کرکے مقامی آباد کاریں کوں بے دخل کرکے قابض تھیندے گئے مقامی آباد کار جنگجو نہ ہن ایں سانگے مزاحمت نہ کر سگیے جان دے جوف کنوں کجھ لوک تاں دریا پار لگے گئے تے کجھ اتھائیں
پولی کٹانڑے کیہل موچی درکھان مہانڑے کمبہار سڈیجنڑ قبول کیتا تے جان دی امان پاتی اور کجھ مضبوط مقامیں کنوں مزاحمت دا سامنا وی رہ گئے اے سلسلہ چلدا ریہا کجھ عرصہ بعد انگریز قابض آن تھیا اتھاں اوں غیر مقامیں نال الحاق کر گھدا کیوں جو مقامی لوک انتہائی کمزور ہن انہیں کنوں مزاحمت دی گھٹ توقع ہئی غیر مقامی مضبوط ہن اور جدی پشتی جنگجو ہن تہوں انگریز سرکار وی غیر مقامیں نال محاذ کھولنڑ دے حق وچ نہ ہئی الحاق دے بعد انگریزی سرکار غیر مقامیں واسطے اپنڑی رحمت دے دروازے کھول ڈتے مقامیں کوں جائیدادیں کنوں مکمل طور تے ہتھ دھونڑے پئے
در بدری زندگی گزارنی پئی مقامی آدمی اج وی وسیب وچ محفوظ نئی
زمانہ ماہو مریخ دی سرحدیں توں ٹپ گئے
اساڈے سر پتھریں دی چوکاٹھ توں نی چودے
اے نو خدائیں دی نحش دھرتی دے ظلم سہندے
وطن دے وچ بے وطن تھی رہندے
شریف لوکو غریب لوکو
پلوطا حرف دعا نئی ہوندا
تے کوئی پتھر خدا نئی ہوندا
ائے علم و دانش دی درساگاہیں
دی شان شوکت ادیب لوکو
عظیم علماء خطیب لوکو
ائے رہبری دے فتور وچ مبتلا
مریضو عجیب لوکو
میڈا سوال ء ہزاریں نسلیں دے بعد
کتلاں اساڈیاں نسلاں
ایں نو خدائیں دی نحش دھرتی دی کھاد بنڑ کے
غلامی دی بےحیا فصل کوں پلیندیاں رہسن
تے اپنڑی قسمت دی کالونڑ اپنڑے منہ تے مل کے
لہو دے ڈیوے محلیں وچ بلیندے رہسن
پتریں کیتے منوتیاں من کے
غلام کیتئیں جڑیندے راہسو
تے آپنڑی پھاسنڑ دے جال ہتھیں
دے نال کیتئیں ونڑیندے راہسوں
زبان مذہب برادری ذات تے سیاست دی کالی کاتی
اساکوں کے تئیں کپیندی رہسی
تے ٹوٹے کریندی رہسی
اساں کڈنڑ تئیں بے ہوش رہسوں
تساں کڈنڑ تئیں خموش رہسو
سرور خان کربلائی