خوف دی نفسیات تے منطق

خوف دی نفسیات تے منطق ارشاد تونسوی . "ڈر یا بھو کلھے بندے دا مسئلہ نہیں اوندے اجتماعی لاشعور دا مسئلہ ہے. کئی واری تاں خوف دے پچھوں کوئی معقول وجہ ای نہیں ہوندی بس بندہ بلاوجہ کہیں خوف دا شکار تھی ویندے یا وت خوف دے پچھوں وجہ کئی بئی ہوندی تے اوندا اظہار کہیں بئے طریقے نال تھیندا پیا ہوندے. میں خود ہک دفعہ استاد فدا حسین خان گاڈی نال اے گالھ کیتی جو میں ہمیشہ ایں خوف دا شکار رہنداں جو کتھائیں میڈی نوکری ختم نہ تھی ونجے. انہیں اپنے مخصوص انداز اچ آکھیا " بندے دا بچہ جے اے خوف نہ ہوسی تاں کوئی بیا خوف ہوسی" ایندا مطلب اے ہے جو بندہ ہر وقت کہیں نہ کہیں خوف اچ مبتلا رہندے. بھانویں اوں خوف دی سمجھ آوے تے بھانویں نہ آوے. . (ارشاد تونسوی سائیں دی نویں کتاب "عشق اساڈا دین وچوں)

(بلال بزدار)