حشیشین

باطنی فدائیاں وچ اݨ پڑھ، جان باز نوجوان شریک کیتے ویندے ہن۔ صرف ہتھیار استعمال کرݨ دا فن انہاں کوں سکھایا ویندا ہئی۔ اے سپاہی حسن بن صباح دے حکم دی بے عذر اکھیاں بند کرکے تعمیل کریندے ہن۔ جیں دے قتل دا اشارہ تھیندا، فدائی اوں دے کول ویس بدل کے ویندے ہن تے اوں دے مزاج وچ رسوخ پیدا کریندے ہن۔ اوں دے معتمد بݨدے تے موقع پیندے ہی اوں دا کم تمام کر ݙیندے ہن۔ انہاں خونخوار اعمال دی تربیت ݙیوݨ کیتے ہک جنت بݨائی ڳئی ہئی۔ پہلے او حشیش (بھنگ ) دے اثر نال ایں طرح بے ہوش کر ݙتے ویندے ہن کہ انہاں دے دل وچ کہیں نشہ آور چیز دا گمان وی نہ ہوندا ہئی۔ بے ہوش تھیوݨ دے بعد خاص ذریعاں نال تے رستیاں نال او مصنوعی تے دنیاوی جنت وچ پہنچائے ویندے ہن۔