حسن بن صباح دی مصر روانگی

ماہ رمضان 464 ہجری وچ ابن عطاش جس دے بحر (یعنی علاقہ تبلیغ) وچ اصفہان تے آذر بائیجان ہن، رے پہنچا تے اسمٰعیلی دعوت وچ ابن صباح دی شرکت قبول کریندے ہوئے اونکوں مصر ونجݨ دا حکم ݙتا۔ ایں بناء تے 467 ہجری وچ او اصفہان پہنچا۔ جتھاں ݙو سال ابن عطاش دی نیابت کرݨ دے بعد آذر بائیجان تے دمشق توں تھیندا ہویا 471 ہجری وچ مصر پہنچا۔

ݙوجھا سبب اوں دے مصر ونجݨ دا اے بیان کیتا ویندا ہے کہ ابو مسلم نے، جیہڑا شہر رے دا والی تے نظام المک دا داماد ہئی، اوندے تے الزام لایا کہ او مصر دے اسمٰعیلی داعیاں نال ملدا رہندے۔ بہر حال جݙݨ او مصر پہنچا تاں مصر دے داعی الدعاۃ تے ݙوجھے مشہور لوگاں نے بہت ہی اعزاز نال اس دا استقبال کیتا۔ فاطمی خلیفہ مستنصر نے وی اینکوں بہت کچھ انعام و اکرام ݙتا۔ مگر اینکوں بذات خود خلیفہ نال ملݨ دی اجازت نہ ہئی ۔