حجاݨی جنت بی بی
قدیم سرائیکی شاعرات ۔۔
حجاݨی جنت بی بی ۔۔ چاچڑاں شریف دی حئی حجاݨیں جنت بی بی حضرت خواجہ خدابخش صاحب دی مریدڑیں حئی حجاݨیں جنت بی بی کوں فارسی بوستاں تے قران مجید مولوی خوشدل صاحب ہوریں پڑھایا حا سرائیکی دی وڈی شاعرہ ہن ست حج کیتے ہانے حجاݨیں جنت بی بی دی وفات 1225 ھجری بمطابق 1811 ء چاچڑاں شریف اچ تھئی حجاݨیں جنت بی بی دے ناں تے چاچڑاں شریف اچ جنت دی وستی اباد اے چاچڑاں شریف دی ڈوجھی وڈی سرائیکی دی شاعرہ دائی پھاپھل حفظاݨی اے دائی پھاپھل کوں اے اعزاز وی حاصل حے جو انہئیں حضرت خواجہ غلام فرید رحمت اللہ علیہ کوں بلپݨ
اچ کھیر پلائے دائی پھاپھل حفظاݨیں چاچڑاں شریف دے مشہور طبیب حکیم محمد کبیر خان دے گھر 1800ء اچ
پیدا تھئی حفظاݨیں تخلص ہانے تے خواجہ خدابخش دی مریدڑیں حئی
دائی پھاپھل حفظاݨیں دیاں لولیاں (لوریاں) مشہور ہن دائی پھاپھل حفظاݨیں ہوریں دی وفات 1870 اچ تھئی دائی پھاپھل حظاݨیں دی چھوٹی بھیݨ جیوݨ خاتون سرائیکی دی قادر کلام شاعرہ ہن انہاں دی تصانیف ساوݨ نامہ تے کونج نامہ مشہور ہن ملتان دی بی بی مخفی دی منظوم شاعری سرائیکی کتاب تعلیم النساء 1901 ہک اچ چھپی ہئی بخت آور کریم سرائیکی دی شاعرہ 1922 اچ راجنپور داجل اچ پیدا تھئی بخت آور کریم دی شاعری اچ حضرت جواجہ غلام فرید رحمت اللہ علیہ دی محبت کٹ کٹ تے بھری حےبخت آور کریم دی وفات 1884 ء تھئ
جے مرشد دی نظر بھال ہووے
دل کیوں دلڑی بے حال ہووے
اساں کوں کیا پرواہ انہاں ویریاں دی
جڈاں پیر فریدݨ لج پال ہووے۔
تحقیق وترتیب خورشید احمد پہوڑ سرائیکی ریسرچ سینٹر کراچی