حاجی غلام محمد

حاجی غلام محمد، پرے کنوں ڈیکھسو تاں تھاکوں ایویں ڈسسی جو کھٹا ٹیٹ جٹ اے. ساڈے شھھر دا تکڑا تے رج امیر بندہ ھے حاجی غلام محمد پر مجال اے جو ڈرراں مریندا ھووے ؛ پھوتی ھووے ؛ یا موں سجا تے راھندا ھووے کچاھری کر ڈیکھو تاں تھاڈا وات پٹیج ویسی جو حاجی صیب کوں تاں دنیا جھھان دا پتہ ھے کیھڑی گال اے جیھڑی حاجی صیب نی جانڑدا وسیب دا درد رکھیندے. اپنڑیاں دی خیراں منگنڑ آلا ھے. ڈکھاں تے وانجھ دے مارے ھوئے گنگے باتے لوگاں کیتے دعائیں کریندے ؛ خود کنوں جو تھی سگدے انھاں کیتے کریندے.

حاجی صیب دے وس اچ ھوندا تاں ایں ملک کوں لٹ تے کھا ونجنڑ آلیاں کوں ٹنگ کھڑاوے ھا ؛ لاوارثے لوگاں کوں انھاں دے در تے انھاں دے حق پجاوے ھا. چندرے تے گندے لوگاں کوں مندے کڈھ تے ھاں کوں ٹھاری رکھدے ؛ بیا کر وی کیا سگدے ؟ اے ملک بنڑیا ای بدماشاں تے قبضہ گروپاں کیتے ھا دنیا جھھان دیاں کتاباں پڑھدے ؛ ول گالھیں گالھیں اچ انھاں دیاں مثالاں ڈیندے. میڈے نال ڈاڈھی دل ھس ؛ کیوں ھس ؟ میکوں نی پتہ ؛ سچی گال اے ھے جو کجھ ڈینھہ حاجی صیب نال بٹ کڑاک ناں تھیوے تاں میڈا دل وی مونجھا تھیندے حاجی صیب کیتے حاجی صیب میڈے سکے بھراواں وانگنڑ اے گال دا پکا تے قول دا سچا، ضدی قھھر دا، دل دا اصلوں کولا تے نرمولا، میڈے شھھر دے گینڑوے چنگے لوگاں وچوں ھے اج بھھوں ڈینھاں دے باد ملے ھئئیں تاں رج تے گالھیں کیتیاں ھیسے. اللہ پاک صحت دے نال وڈی حیاتی ڈیوے آمین. (سلیم خان نیازی) 18 نومبر 2018

حوالے

[[ونکی:حاجی غلام محمد]]