جھانگیر مخلص

کویٰ ونج کے آکھے میڈے دلربا کوں جو تھے ہووے اقرار پالن دے دینہ ہن

تے سالیں دے وچھڑے وچھوڑے دے مارے لتاڑاے ھوویں کوں وندالن دے دینہ ہن

او مدتیں دیاں اجڑیاں تے برباد غمگین جاہین دعاٰیٰں پیاں ڈیندن

میڈے اجڑے دل دیاں اے ہر روز پر سوز دلدوز آہیں دعاٰیؐں پیاں دیندن

تیدے نانویں وکدیان تیڈے راہیں تکدیان اے سکدیان نگاہیں دعاٰیں پیاں ڈیندن

جنہاں کوں تیڈا قرب قسمت نی ھویا او بے چین باہین دعاٰیں پیاں ڈیندن

جیڑھیاں کھڑدیاں کھڑ گٰین سٰیاں او پینگھیں دیاں لاہیں دعاٰیں پیاں ڈیندن

ہر شام جتھ عام ہن تیڈے جلوے او گگ دام راہیں دعاٰیں پیاں ڈیندن

وے لا غرٖٖض ڈھولا نوہی ترس آندا اے ہک بے کوں پیںگھاں جھٹالن دے ڈینہ ہن

زمانہ گزر گے مگر یاد ہے پیا میکون اج وی تیڈا او پہلا الاوان

نظر نال نظریں دیاں نظراں ملاون ولا شرم کولوں چا نظراں جھکاون

او چاہت دے اظہار اقرار کیتے تیڈا منہ لکاون سروں سر نا چاون

او الفت دیان تاتاں او پاکیزہ راتاں اینویں بیٹھیں بیتھیں چا ساون دھماون

او عشوے او غمزے او شوخیان او تلخیاں او نخرے نزاکت تے ول ول سہاون

او چا چا تے قسماں تے گھت گھت کے دروٰیاں تے کرکر کے منتاں میڈا ول مناون

او سب ناز نخرے پرانے تھۓ ہن نویں ناز نخرے ڈکھالن دے ڈینہ ہن

جہانگیر مخلص دے بارے وچ شہزاد عرفان دی لکھت

مخلص جناب نال اے ہک تماشہ ہا ۔ہک ڈرامہ ہا ۔۔۔۔۔ جناب کوں سرائیکی محبت تے سرائیکی قومی حب الوطنی دا سرٹیفیکیٹ کہں کنے نئیں گھنݨاں ۔۔۔وڈے توں وڈے سرائیکی سورما توں اتنی جرائت نئیں تھئی جو ہائی کورٹ ءچ رٹ دائر چا کرے ھا جو" خواجہ فرید سرائیکی زبان دے شاعر ہن کوئی انہاں کوں پنجابی شاعر نہ آکھے" ۔۔۔۔۔۔۔۔ فیس بک تے ٹاں تاں دا خرچہ نئیں تھیندا ۔۔۔۔ہائی کورٹ رٹ دائر کریندے پیسے لگدن۔۔۔۔۔ حیران ہا جو سرائیکی حقوق دا سوال ہالی اُتھائیں کھڑے تے جواب جہانگیر مخلص ڈیوے ۔۔۔۔۔۔ ڈومیسائل بنجاب صوبے دا رہائیش بنجاب صوبے دی نوکری تنخواہ پنجاب دی گھنو تساں ۔۔ بل بھرے جہانگیر مخلص۔۔۔۔۔۔ کتھاں ہن سرائیکی دے او دانش ور ڄیہڑے روز جہاڑےلہور ونڄ پنجابی دانشوراں نال اپݨے یارانے تے نوکریاں پکی کریندن تے اتھاں سرائیکی وسیب آ تے سرائیکی قوم تے ادب دا درس ڈیندن۔ میڈی جند ہالی تئیں کہیں دی اڄ دے ڄہاڑے اتنی اوقات کوٖئے نئیں جو کوئی سرائیکی قوم دے ہیرو دا سرٹیفیکیٹ جاری کرے ۔۔۔اے صرف عوام جینکوں چاہوے اونکو ڈیوے ۔۔۔۔۔ سرائیکی لکھاری سرائیکی قوم دا اثاثہ تے سرمایا ہن ۔۔کہیں کوں اے حق نئیں جو اُٹھی تے ہک شریف بندے کوں فیس بک تے تماشا چا لاوے ۔ کیا کوئی ایوارڈ واپس کرݨ نال یا گھنݨ نال سرائیکی قوم دا ہیرو یا غدار بݨ ویندے ؟ اے ہک ادبی فورم دی ڈیبیٹ ہے جو کیا پیرامیٹرز ہوݨیں چاہئیدے ہن ۔۔۔۔۔ جہڑے ہالی طے نئیں تھئے ۔۔۔۔۔ پنجابی دانشوراں نال اساڈا ڈائی لاگ ای نئیں تھیا ۔۔۔۔ کوئی فورم ای نئیں وجود ءچ آیا۔۔۔۔ تے اے ڈرامہ کیا دا۔۔۔۔ اے لوک ہن سرائیکی وسیب ہے جینکوں ایوارڈ ڈیوے ۔۔۔۔ ماݨ ڈیوے ۔۔۔۔ اپݨا ہیرو آکھے اوہو اساڈا مہاندرا ہے ۔ سارا تماشا بونے خیالات تے سستی شہرت کیتے ہا۔۔۔۔۔جہانگیر میڈی جند اتھان ادب آرٹ تے فن نال سیاست پئی تھیندی اے جیویں روز جہاڑے سرائیکی صوبے دےسوال تے جنوبی پنجاب دی سیاست کھڈیندی پئی اے۔۔۔۔۔۔۔ فیس بُکی پارٹی ۔۔۔۔۔ مارکہ جتنی ٹاں تاں جتنا شور فیس بُک تے مچائے یقین کر جو اُں اپݨا قد اپݨی وقعت کوں گھتٹاٖئے ۔۔۔۔۔ تساں وسیب دے، سرائیکی دھرتی دے تے سبھ توں ودھ جو ملک عبداللہ عرفان دا ٻوٹا ہو جیکوں ہتھ پاوݨ ایویں اے ہے جیویں جو کوئی پُراݨی سوسالہ ٻوہڑ دے وݨ کوں پٹے۔ جناب نال پورا وسیب کھڑے چار لونڈے چار گالھیں جوگے ہوندن ــــ۔۔۔۔۔۔ انہاں جو کُجھ جہانگیر مخلص سویں درویش بندے نال کیتے اے سرائیکی ادب دے ناں تے وسیب نال بے ادبی کیتی نے۔۔۔لوکاں نال ہتھ کرݨ دی گھٹیا کوشش ہائی جو وسیب ءچ ادبی سنگتاں تے حلقے ءچ پولورائیزیشن تھیوے۔۔۔۔جیندا اثر واضح طور تے اجوکی سیاسی تحریک تے تھیسی ۔۔۔۔جہانگیر مخلص ہو وے۔ عاشق بزدار ہو وے ، عزیز شاہد ، اشولعل، رفعت عباس تے شاکر شجاع آبادی تے بھانویں وسیب دا کوئی وی لکھاری ء سبھے وسیب دے قوم دے مہاندرے ہن اگواݨ ہن ہک مُٹھ ہن ۔۔۔۔۔ جیکر کوئی انہاں ءچ عوام دے سامݨے لوکائی دے سامݨیں انہاں کوں ونڈنݨ دی کوشش کرے او پوری سرائیکی قوم دا دشمن ہوسی۔۔۔۔۔ تاریخ ءچ دنیا دی کوئی وی سیاسی تحریک بغیر اوندے ادیباں شاعراں لکھاریاں توں بغیر ٹُر ءی نئیں سگدی ادھوری ہوندی ء۔ ادب جہڑا کہیں وی تہزیب ءچ معاشرے ءچ ادبی سیاسی تے سماجی اخلاقیات دے پیمانے ترتیب ڈیندے ۔۔۔۔ انہاں ہوں ادب دے ناں تے بے ادبی کیتی نے۔۔۔۔۔۔ افسوس تاں اے ہے جو اسلامیہ یونیورسٹی دا شعبہ سرائیکی تے زکریا یونیورسٹی دا سرائیکی ڈپارٹمنٹ دا ایندے تے کوئی واضح ٹھوس موقف نئیں آیا ۔۔۔انہاں کڈاہیں کہیں بنجابی اداراں کوں اپݨی مکمل حیثیت ہوݨ دے باوجود چیلنج نہیں کیتا۔۔۔ انہاں ہک سرکاری ادارہ ہوݨ دے باجود کڈاہیں بنجاب دے سرکاری ادبی یا بھانویں غیر سرکاری ادبی اداریاں ءچ "خواجہ فرید بطور سرائیکی شاعر" دا کہیں پنجابی اداریاں کوں ولدا نئیں ڈتا۔۔۔۔ نتاں کہیں دی جرائت ہائی جو کوئی " خواجہ فرید کوں پنجابی دا شاعر تے سرائیکی زبان کو پنجابی دا لہجہ آکھے۔۔۔۔۔۔ انہاں سراکاری تنخواہ کھری کرݨ آلیاں کنوں البتہ خواجہ صاحب تے کانفرنس کرا گھنو۔۔۔۔۔ ریسرچ کرا گھنو۔۔۔۔۔ سنداں جاری کرو چا پر مجال ء کڈاہیں وسیب ءچ سرائیکی ادبی علمی بحثاں ءچ کٹھاں ءچ۔۔۔۔۔ کوئی حصہ رلایا ہوݨیں۔۔۔۔۔ آکھݨ اے چاہنداں جو اے فضول بوسیدہ کلچر تے ایہو سویں رولے ای نہ تھیندے جیکر اساڈے سرائیکی زبان ادب دے اے ڈو ادارے یا انہاں ءچ بیٹھے عالم فاضل تنخواہ دار وسیب دے لکھاریاں ادیباں شاعراں تے فنکاراں کوں تحفظ ڈیندے انہاں نال رل تے کم کریندے تے ینہاں دی سُنجاݨ تشخص کیتے کوئی اہر کریندے۔یا انہاں دا کوئی کردار ہوندا۔۔۔۔۔ــ (شہزاد عرفان)