جزیرہ
پاݨی یا سمندر دے درمیان خشکی دا ٹکڑا جزیرہ آکھا ویندے۔
خشکی دا ایجھا ٹکڑا جیندے چارے پاسیں کنوں پاݨی ہووے، اینکوں جزیرہ آکھیا ویندے۔ بہوں چھوٹے جزائر، جیویں جو پانی وچ ابھردے ہوئے زمینی خدوخال کوں مرجانی جزیرہ (Atoll) یا ٹاپو (Islet) آکھیا ویندے۔ جزائر دیاں دو قسماں ہوندیاں ہن: ہک براعظمی جزائر تے ݙوجھے سمندری جزائر۔
براعظمی جزائر او جزیرے ہوندن جیرھے براعظمی تختے (Continental Shelf) تے واقع ہوون، مثال دے طور تے گرین لینڈ، ٹرینیڈاڈ تے ٹوباگو، برطانیہ، آئرلینڈ تے صقلیہ، سماٹرا، بورنیو تے جاوا تے نیو گنی تے تسمانیہ وغیرہ۔
سمندری جزائر او جزیرے ہوندن جیرھے کہیں براعظمی تختے تے واقع کائنی ہوندے۔ انہاں وچ آتش فشانی جزائر اکثریت دے حامل ہوندن۔
زمین تے مصنوعی جزائر وی پائے ویندن۔ جزائر دے مجموعے کوں مجموعہ الجزائر (Archipelago) آکھیا ویندے۔
انہاں دے علاوہ زمین تے منطقہ حارہ دے جزائر (Tropical Islands) وی ہوندن جنہاں وچ مالدیپ، ٹونگا، ناؤرو تے پولینیشیا وغیرہ معروف ہن۔