جدید شاعری
جدت تراۓ حرفی لفظ ہے پر ہے بہوں وسیع.اتنا وسیع اتنا وسیع جو پتہ نی کتنا وسیع.جدت ہر فیلڈ اچ ضروری ہے سواۓ چند ہک کمیں دے جیہڑے ناقابل_تجدید ہوونڑ دے نال نال ناقابل بیان وی ہن. کانڑیں شاعر درزی کولو مولوی کرتا سیواونڑ گۓ. درزی کرتا کڈاہیں سیتا کائنا ہا ت مولوی عجیب و غریب قمیص ڈیکھ ت آکھۓ اے کیا ہے؟درزی آکھۓ "جدید کرتا". مولوی اوکوں آکھۓ اللہ تیڈیاں ڈوہیں اکھیں ہکو جھیاں کر ڈیوے.درزی آکھۓ اے کیا ہے مولوی آکھۓ "جدید دعا". یقین کرو لفظ جدت کوں جتنا شاعریں بدنام کیتے اتنا بدنام تاں گوگل سنی لیون ت میا کوں کاۓ نی کیتا اتنا تاں "خان" "شریف" کوں کاۓ نی کیتا.
ترقی پسند مصنفین توں آزاد نظم،آزاد قافیہ توں تھیندی ہوئ جدت ہنڑ نثری نظم تک پج آئ ہے. شعر قاری ت سامع واسطے لکھیندے پر جدید شعر دا پتہ صرف شاعر کوں ہوندے جو اے جدید شعر ہے یا ول او "دادیۓ" سمجھ سگدن جیہڑےشاعر دے یار غار ہوندن تے ایں منافقت ت منافقت وی چیک ت آہدی ہےاے کیا منافقت ہے؟ اے دادیۓ بڑی مہارت نال بے تکے شعر کوں جدت دی پینٹ پوا ڈیندن زپ بھانویں پچھو آ ونجے. حیرت تاں اوں ویہلے تھیندی ہے جو جدید شعر آکھ ت فورا" آہدن "واللہ غالب یاد آ گیا بھائ واہ سبحان اللہ" یعنی ڈو سو سال پرانی جدت.
آلیاں بھنوالیاں اچو ادھا ٹکڑا.. [١]