ثریا ملتانیکر
ثریا ملتانیکر ہک سرائیکی گلوکارہ ہے جیہڑی زیادہ تر آپݨے لوک گیتاں کیتے مشہور ہے. اوندے ذخیرے وچ کلاسیکی، نیم کلاسیکی، غزل، لوک گیت تے فلمی گیت شامل ہن۔
ابتدائی زندگی تے ٹٻر
[لکھو | ماخذ وچ تبدیلی کرو]ثریا ملتانیکر ١٩٤٠ء وچ ملتان وچ ڄمی۔
او بلپݨ وچ گائیکی وچ ناں پیدا کرݨ چاہندی ہئی۔ اوندے خاندان وچ کوئی فن موسیقی نال وابستہ کائناں ہئی، ایں کیتے کوئی وی ایں سلسلے وچ اون٘دی راہنمائی نہ کر سڳیا۔ اوں بلپݨ وچ خود ہی فلمی ڳاݨے سݨ تے انھاں دیاں دھناں تے شاعری دی مشق شروع کر ݙتی۔ بعد وچ او کلاسیکی موسیقی دے دلی دے گھراݨے دے غلام نبی خان دی باقاعدہ شاگرد بݨ ڳئی، غلام نبی خان سارنگی دے استاد ہن۔
اولاد
[لکھو | ماخذ وچ تبدیلی کرو]ثر یا ملتانیکر دے ٧ ٻال ہن،
* محمد علی، جو برطانیہ میں مقیم آرتھوپیڈک ڈاکٹر ہے۔
* رقیہ سجاد
* رمضان علی
* شائستہ،
* رابعہ،
* عالیہ
* راحت بانو ۔ سب توں چھوٹی دھی راحت ملتانیکر وی آپݨی والدہ وان٘گوں ہک لوک گلوکارہ ہے۔
فلم "بدنام دا" گیت
[لکھو | ماخذ وچ تبدیلی کرو]١٩٦٦ء وچ ریلیز تھیوݨ آلی فلم ’’بدنام‘‘ دے حوالے نال ݙو ڳالھیں مشہور تھیاں ہن۔ ہک تاں ریاض شاہد دے مکالمے تے ٻیا موسیقار دیبو بھٹا چاریہ دی کمپوز کیتی ہوئی سپر ہٹ غزل’’ بڑے بے مروت ہیں یہ حُسن والے، کہیں دل لگانے کی کوشش نہ کرنا‘‘ ثریا ملتانیکر دی آواز وچ اوں زمانے دھوم مچا ݙتی ہئی۔
صدارتی ایوارڈ یافتہ گلوکارہ ’ثریا ملتانیکر‘ دی وجہ توں ایں غزل دی رائیلٹی نال فلم دے اخراجات پورے تھی ڳئے ہن، فلم بدنام کوں بین الاقوامی شہرت حاصل تھئی، ایہ پہلی پاکستانی فلم ہئی جیکوں اوں ویلے دے سوویت یونین (موجودہ روس) دی ١٧ زباناں وچ ڈب کر تے پیش کیتا ڳیا، جیکوں اُتھاں ٻہوں پسند کیتا ڳیا ہئی۔ کئی عشرے لنگھ ونڄݨ دے باوجود وی ایہ غزل اج وی ثریا ملتانیکر دی سن٘ڄاݨ ہے۔
ایوارڈ
[لکھو | ماخذ وچ تبدیلی کرو]1959: گولڈن ایوارڈ
1960: چٹا گانگ ایوارڈ
1964: نگار ایوارڈ
1975–1980: گل فرید ایوارڈ
1982: جشن فرید ایوارڈ
1981–1982: شاعرِ مشرق ایوارڈ
1986: پرائڈ آف پرفارمنس ایوارڈ
2000: شہباز ایوارڈ
2002: غلام فرید ایوارڈ
2008 صدر پاکستان ولوں ستارہ امتیاز ایوارڈ