ثاقب ساقی

ثاقب ساقی سرائیکی زبان دا شاعر ہے۔

ڄم پل

تونسے وچ ٩ نومبر ١٩٨٨ء کوں ڄمے۔

نمونہ کلام

.......غزل.......

جے او سمجھے ھا بے وسی میڈی.

ایں نہ گزرے ہا زندگی میڈی.

میں نہ کھلدا تاں معاف تھی ویندی.

غلطی پہلی تے اخری میڈی.

چندر گھندا ھ الویں میں توں.

حسن اپنڑے لو روشنی میڈی.

جے او خوش تھی کے میکوں ڈکھ ڈیندے.

اے غمی وی تاں خوشی میڈی

خود کوں شاعر ودا سمجھدا ھاں.

اے وی غلطی ھ بہوں وڈی میڈی.

اوندے خابیں کوں زندگی ڈیے کے.

ندر کر گئ ھ خودکشی میڈی.

ثاقب ساقی.

غزل

اے تاں پک ھے ھجر دا سورج ڈھلدا ویندے

اے کوئ سدھ نئیں اندر کتناں جلدا ویندے

میڈی سک تیں کھلنڑ والو ڈیکھو سوچو

تیںز ھوا وچ ڈیوا کیویں بلدا ویندے

شھر دے واسی ایڈے شور اچ کیویں رھندن

اتھاں آ کے میڈا چیتا رلدا ویندے

وصل دا خواب رَھا کے نیناں پانڑی لایا

بوٹا سُکدا سُک گۓ مالی پھلدا ویندے

شاید میڈا مال اتواری تسا مرسی

جھوک میڈی توں دریا دور نکلدا ویندے

ثاقب ساقی مرحوم

شعر

اے مسئلہ نہیں تھولے چاون بھانویں ڈھیر نہ چاون.

جہریاں تیڈے ہتھ زخماون بیریں بیر نہ چاون.

ثاقب ساقی

دیپ دیوار تے رکھ ڈتا گۓ.

گل تلوار تے رکھ ذتا گۓ..

ثاقب ساقی

غزل

اکثر یاریں نال الیندا رہ وینداں۰

میں پھلیں کوں پانی ڈیندا رہ وینداں۰

ونجن والے ڈسڑوں گم تھی ویندن میں۰

دید دے رلے دور تائیں ویندا رہ وینداں۰

فجریں کندھ تے کاں کرکن دی آس اتے۰

ڈیوے ساری رات بلیندا رہ وینداں۰

عشق ہک وائسٹن گھڑی ھ تے میں اونکوں۰

ہٹھے ویلہے چابی ڈیندا رہ وینداں۰

اوں آکھیا ہا خواب اچ ملدے رہ ویسوں۰

میں پاگل ہاں نندر کریندا رہ وینداں۰

سال پسالی چھانگ سٹیندے ہن میکوں.

میں جنہیں کوں سایہ ڈیندا رہ وینداں۰

Saqib Saqi

نثری نمونہ

میں کل رات ھک پوسٹ لائ ھ جو کوئ دوست سرائیکی ت کم کرن چاہندے؟ تاں تھوڑے دوست تیار تھئین .اساں چاہندے ہیں جو ساڈے نال فی میل وی شانہ بشانہ کھڑیاں ہوون. انہیں دے اندرو دا خوف ختم تھیوے ونجے .اگر کہیں پلیٹ فارم تے کٹھے جو کھڑے ہوؤں تاں او اے محسوس وی نہ کرے جو زاہد ،بکر ، عیسی ، موسی کھڑے بلکہ او اے سمجھن جو اے ساڈے بھرا ہن تے ساڈی ماء جاۓ ہن اینویں اساں سمجھوں اے ساڈیاں بھینڑیں ہن. تاں اساں رل کے اپنی ماء بولی کیتے کم کروں.

جڈاں اساں اے سوچ کے کرسوں تاں او خوف جہڑا اساں کہیں ہسپتال وچ فی میل دے ہتھو 2 روپے والی پرچی گھنن لو رکھدے ہیں او ختم تھی ویسی ت جیویں سٹیج ت الاون کتیے فی میل خوف رکھدین..... جڈاں وی اساں بھینڑیں بھرا ایں بارے مخلص تھی پوسوں اوں ویلے ساڈا ادب ءچ تبدیلی آ ویسی ساڈا حق ساڈا صوبہ ساڈے وسائل ساڈا سب کجھ ساکوں مل سگدے.

٣ فروری ٢٠١٥ء