تلاوڑے

تحریروتبصرہ : ماجد منظور بھٹی

کتاب تلاوڑ ے )

محمد اسلم رسولپوری نے سرائیکی زبان و ادب وچ پہلی باقاعدہ کتابی شکل 1983ء وچ عمر کمال خان دے توسط نال"تلاوڑے" کتاب چھپی ۔جیندے اندر اسلم رسولپوری نے ایں کتاب کوں وڈے چار باباں وچ ونڈیے۔

جنہاں دا ناں افکار،تلاوڑے،لوک ورثہ تے جائزہ ہن۔ایں کتاب کوں ڈوجھی واری 2013 ءوچ سرائیکی ادبی بورڈ ملتان دی طرفوں چھاپیاگیا۔ایں کتاب کوں انسانی تہذیب دےعظیم فرانسیسی نقاد 'زاں پال سارتر' دےناں کیتا گیا۔زاں پال سارتر کوں وجودی فکر دا ہک مہاندرا نمائندہ سمجھیاویندے۔ایں توں مراد اے

ِگدا ویندےجواسلم رسولپوری دے اندر سارتر دافکروفلسفہ جہ کر گئے۔جیندی وجہ نال تلاوڑے لکھیجن دا سبب بنڑیا۔

اسلم رسولپوری نے اپنے دور دے سرائیکی محقیقین کوں رستہ لاؤن تےلکھاری دی کامیاب رہنمائی کیتی۔جو سارتر دے فکری پہلو کیاہن؟۔

اوہ لکھدن جو خواجہ غلام فرید ذہین تےبھرپور تخلیقی صلاحیت دے رکن والا فنکارہا۔انہاں دےنظریات وچ ذہنی تے روحانی تجربات دانچوڑ شامل ہے۔جیویں مغرب وچ نیٹشے مختلف مسائل تے وجودی نقطہ نظر نال سوچیندے پئے ہن۔ایویں مشرق وچ خواجہ غلام فرید جزوی طور تے سہی'انہیں بنیادیں تے غوروفکر وچ مصروف ہن۔

ایں کتاب اندر سرائیکی وچ علامتی شاعری' سرائیکی وچ سفرنامہ'سرائیکی قاعدیں دا تنقیدی مطالعہ'سرائیکی شاعری وچ تلفظ دامسئلہ'حضرت بلھے شاہ'حضرت شاہ حسین' حضرت سلطان باھو'سرائیکی زبان دے شاعر ہوون دا پکا دعوی'میانوالی دے لوک گیت دا ذکر' سرائیکی اکھان 'سرائیکی قصےدامقام مرتبہ لکھدن۔چھیکڑ وچ جائزہ گندےہوئے محمد اسماعیل احمدانی دے سفرنامے "پیت دے پندھ" کوں اپنی سنجان داسفر قرار ڈیندن۔

مسرت کلانچوی دےافسانے زیادہ تر عورت دے گرد گمدن۔ اسلم قریشی دی کتاب "سانولی دھپ"دے افسانے تے انشائیے سرائیکی وچ ہک نویں اسلوب دی نشاندہی کریندن۔۔

اسلم رسولپوری"تلاوڑے "وچ علم دوست ہوّن تے تحقیق و تنقید دے میدان وچ وسیع ہنر دا ثبوت ہے ۔