ترکی وِچ زنانیاں

ترکی وِچ زنانیاں (اردو: ترکی میں خواتین) (انگریزی: Women in Turkey) اُوہ زنانیاں ہِن جیڑھیاں ترکی وِچ رہن٘دیاں ہِن یاں اِین٘دے توں تعلق رکھین٘دیاں ہِن۔ تُرکی نے ١٩٣٠ء وِچ (مُلخ بھر وِچ ١٩٣٤ء وِچ) مقامی طور تے چوݨ لڑݨ اَتے چُݨے ون٘ڄݨ دے حق سمیت زنانیاں کوں مکمل سیاسی حقوق ݙِتّے۔ مصطفیٰ کمال اتا ترک نے، تُرک زنانیاں کُوں فرانس، اٹلی / اطالیہ اَتے یونان جئیں کئی یورپی مُلخاں وِچ زنانیاں دے چوݨ لڑݨ اَتے چُݨے ون٘ڄݨ دے حق توں پہلاں ترکی دیاں زنانیاں کوں اِیہ حق ݙ،تّا۔

ترک زنانیت دی تحریک اُنوِیہوِیں صدی وِچ سلطنتِ عثمانیہ دے زوال دے وِچالے وِچ شروع تھئی جِہڑیلے ١٩٠٨ء وِچ زنانیاں دی عثمانی فلاحی تنظیم دا ایرا پاتا ڳیا ہئی۔

ترکی وِچ زنانیاں کوں ملازمتاں اَتے کُجھ علاقیاں وِچ تعلیم وِچ نمایاں امتیازی سلوک دا سامھݨاں ہِے۔ مزدور افرادی قوت وِچ تُرک زنانیاں دی سنڳت یورپی یونین دی اوسط توں اَدھ توں وی گھٹ ہِے اَتے جاں جو زنانیاں دی نمائندگی کوں فروغ ݙیوݨ کِیتے کئی مہمّاں کامیابی دے نال چلائیاں ڳئیاں ہِن۔

٢٠١٨ء وِچ، ترکی ورلڈ اکنامک فورم دے صنفی فرق دے اشاریے وِچ ١٤٩ مُلخاں وِچُوں ١٣٠ ویں لَمبر تے ہِے۔^[١]

تاریخ

زنانیاں دی سلطنت دے وِچالے وِچ سولہوِیں اَتے ستارھویں صدی دے وِچالے، شاہی حرم دیاں زنانیاں دا سلطنتِ عثمانیہ دی سیاست اُتے غیر مَمُولی اثر ہئی۔ اِیں وِچالے وِچ ٻہوں سارے سلطان نا بالغ ہَن اَتے اِیہ اِنّھاں دیاں اَمّائیں ہَن، جیویوں کوسم سلطان، یا کݙان٘ہِیں کݙان٘ہِیں سلطان دیاں دِھیاں جیویں مہریمہ سلطان، حرم دی اڳواݨ، جِنّھاں نے مؤثر طریقے نال سلطنت اُتے حکمومت کِیتی۔ اِنّھاں وِچُوں ودھ تر زنانیاں دی اصلیت غلام دی ہئی۔ اِیہ ویلا ١٥٢٠ء وِچ سلیمان عظیم دے ویلے وِچ شروع تِھیا، ١٦٥٦ء تئیں، محمد چہارم دے ویلے تئیں رِیہا۔

ترکی دی جنگ اَزادی دے وِچالے وِچ ہِک بیوہ کارا فاطمہ نے آپ کوں ہِک کامیاب ملیشیا اڳواݨ دے طور تے ثابت کِیتا۔

ترکی ١٩٨٥ء توں زنانیاں دے خلاف ہر ونکی دے امتیازی سلوک دے خاتمے دے کنونشن دا ہِک فریق ہِے اَتے ٢٠٠٢ء دے اِینْ٘دے اختیاری پروٹوکول دا وی۔^[٢]

ٻِیا ݙیکھو

حوالہ جات

ٻاہرلے جوڑ

[1] Turkey ranks 130th in gender gap index

[2] The Right of Women, Gender Equality and Struggle with Violence Against Women

[١]

[٢]