تحریک دی محنت
اساں ساری زندگی ایمانداری نال تحریک واسطے کم کیتے کتھائیں وی رتی بھر بلکہ راعی بھر بددیانتی نسے کیتی ساڈی تحریک دے پچھو ہک پوری عمر کھڑی اے پولیس کنوں چھٹنڑ دے بعد دیرہ غازیخاں دے دوست بضد تھئے تساں سارے ہنڑ دیرے او اساں توھاڈے استقبال دا پرو گرام بنڑائی کھڑوں ساکوں ول فاضل پور دے دوستیں وڈی محبت نال دیرے روانہ کیتا دیرے اساں جڈاں پل ڈاٹ تیں پجوسے ساڈا دوستیں ذوالفقار خاں ملکانڑیں دی قیادت اچ بھرپور استقبال کیتا ھارپوونییں پھل سٹیونییں بہوں وڈے استقبال نال ساکوں سرائیکستان ھاوس رشید اباد کالونی گھن ائے جتھاں قائدین نے تقریراں کیتیاں جتھاں مجاھد جتوئی نے بہوں جزباتی تقریر کرکیں مجمعے کوں گرما ڈتا وت بے شھر دی کہانی بی واری. (اکبر ملکاݨی، ٥ جنوری ١٩ء)