تاج خان دے نانویں

اج داڈیہنہ سارا ڈیہنہ صرف اور تاج خاں دے نانویں ۔۔۔۔دوست دشمن سارے رل کیں تاج خاں کیتیں دلوں دعا منگو اللہ سئیں محمد وا ل اے محمد دے صدقے ساڈے تاج خاں کوں ٹھیک کر ڈیوے اساں مظلوم تیں بے یارو مدد گار لوک سارے سئیں دی بارگاہ اچ ارداسی ھیئں ساڈا تاج خاں ساکوں انویں بنڑا ڈے جیویں او پہلے ھا بیشک ساکوں اوہو کنجوس تاج خاں ولا ڈے میڈا اللہ سئیاں بیا کیکوں ونج دھاں ڈیوں اللہ سئیاں او اپڑیں اتیں پیسے لاوے ھا توھاکوں کیوں اکھوں ھا اللہ سئیاں سوائے کنجوسی دے بیا تیں اوندے وچ کوئی عیب کئیناں ھا اللہ سئیاں کنجوسی دی کجھ ھدایت تاں تساں اپ ای کیتی اے اے بی گال اے کجھ او اگوں تیں ٹپیا گئے لیکن اللہ سئیاں معافی الا خانہ تیں ھے جناب کنوں اللہ سئیاں تاج خاں پوری سرائیکی قوم دا نجات دہندہ تیں ولی اے ساڈے اتیں کرم کر رحم کر ساکوں ساڈا تاج خاں ٹھیک کرڈےباقی اللہ سئیاں تاج خاں دے بقول میں کنجوس کئینی میں ناجائیز خرچ نئیں کریندا اواہدے میڈے ایں عمل دا میڈے اللہ سئیں کوں پتہ اے اواہدے میں ساد مرادا ادمی اں میں لوکیں الی کار فضول خرچ کئینمیں میں اپڑیں خود نمائی تیں فضول پیسہ خرچ نمہیں کرینداں ائے ممہان دی وی عزت بہوں کرینداں اپڑیں گھر ٹکر نئیں لاتھا ھوندا کہیں نہ کہیں سنگتی دے گھرو کھویندا تیں ھاں اللہ سئیاں اے تیڈے الی کار اپڑیں اتیں ہتھ نئیں انونڑ ڈیندااللہ سئیاں توں ہنڑ ویندا کر مہربانی کر پوریں سرائیکیں دے باہیں بدھیں دو اڈیں ھوئے ہتہیں دو ڈیکھ ساڈا تاج خاں ساکوں ٹھیک کرڈے ساڈا سرائیکستان دا کم سارا رکیا پئے اے ٹھیک تھیوے اے رکیا ھویا کم پایا تکمیل کوں پجے اللہ سئیاں اینکوں ٹھیک کرکیں اینکوں گودیں سرداریں بھتاریں دے در کنوں وی سختی نال منع کر چھوڑیں اینکوں سختی نال حکم ڈے چھوڑاھے اے صرف ساڈی نماندگی کرے امین. (اکبر ملکاݨی)