تاجکستان وِچ زنانیاں

ݙو تاجک چھوہِرِیں

تاجکستان وِچ زنانیاں (اردو: تاجکستان میں خواتین) (انگریزی: Women in Tajikistan) دی عام حیاتی وِچ حِصّے داری دا اَغاز وݙّی حد توڑِیں اِیں ویلے دی مرہونِ منّت ہِے جِہڑیلے اُوہ سوویت ڳَٹھ دا حِصّہ رِیہا ہئی۔ ١٩٣٠ء دے ݙہاکے وِچ سوویت اربابِ مجاز نے اِیں علاقے وِچ زنانیاں دی برابر حِصّے داری دی مہم دا اَغاز یکِیتا، جیویں جو اِیہ مہماں ٻئے وسط ایشیاء دے مُلخاں وِچ چھیڑیاں ڳئیاں ہَن۔ اَغاز وِچ اِنّھاں اقدامات دی کڑی مخالفت کِیتی ڳئی ہئی۔ جیویں: اَغاز اَغاز وِچ برسرِ عام بے نقاب آوݨ آلی زنانیاں دا سماجی مقاطعہ کِیتا ڳیا یا وَل کُجھ جائیں اُتے ہِک کَم کِیتے زنانیاں دا ناموسی قتل کِیتا ڳیا ہئی۔ جاں جو اِیہ صورتِ حال بدلدی ڳئی اَتے ہولے ہولے حیاتی دے ہر عام شعبے وِچ زنانیاں دی حِصّہ داری قبولیّت دا درجہ پاوݨ لڳی۔

جدید سرکاری اڳواݨی خطوط

تاجکستان دی حکومت نے ہِک کتاب چھاپی ہِے جین٘دے وِچ زنانیاں کوں اِیہ ݙسایا ڳیا ہِے جو اِنّھاں کوں کیا پاوݨاں چاہِیدا ہِے اَتے کیا نئیں۔ اِیں کتاب وِچ انجو انج پُکھ ہِن جِنّھاں وِچ زنانیاں کوں کَم اُتے ون٘ڄݨ ویلے، قومی اَتے سرکاری ناغیاں دے موقع اُتے، شادیاں اَتے ہفتہ وار ناغیاں تئیں دے موقعیاں اُتے پاوݨ کِیتے کپڑیاں دے بارے وِچ ݙسایا ڳیا ہِے۔

حجاب اُتے پابندی

٢٠١٦ء وِچ تاجکستان وِچ اسلامی حجاب اُتے پابندی لاء ݙِتّی ڳئی۔ تاجکستان دے وزیرِ ثقافت شمس الدین نے نقاب اُتے پابندی دی توجیہہ پیش کرین٘دے ہوئے آکھیا جو ہر کوئی نقابی زنانیاں کوں تشویش آلی اَکھ نال ݙیہدا ہِے اَتے اِیہ سُچین٘دا ہِے جو اُنّھاں نے کوئی شے ناں لُکائی ہووے۔

اِتّھوں دی حکومت نے ݙاڑھی رکّھݨ، حج کرݨ اَتے زنانیاں دے حجاب پاوݨ اُتے پابندی لاء رکّھی ہِے۔ نجی چینل دے مطابق حکومت دی طرفُوں نوجواناں کوں ݙاڑھی رکّھݨ، زنانیاں کوں حجاب کرݨ، حج اُتے ون٘ڄݨ اَتے ٻالاں دے عربی ناں رکّھݨ اُتے وی پابندی ہِے جاں جو تاجک حکومت دی طرفُوں ݙاڑھی رکّھݨ آلے جؤاناں کوں اِیں جُرم دی پاداش وِچ ݙُکھ ݙے تے قتل وِی کِیتا ڳیا ہِے۔  

ٻِیا ݙیکھو

• ایشیاء وِچ زنانیاں
• زنانیاں دے حقوق
• اسلامی حجاب