بھٹ پیر
سئیں لطیف رحمتہ اللہ علیہ بھٹ (ٹبے، ٹیلے) تیں دیرہ لایا تے لطیف بھٹائی مشہور تھئے ایویں اپنڑے ملتان اچ وی اج ہک درگاہ تیں اج ونجنڑ دا موقع ملئے جیرھے جو "بھٹ پیر" دے ناں نال مشہور ان ایں ناں دی وجہ وی شئیت اوھا لطیف سرکار آلی اے اچے ٹبے تیں سادہ جہیں درگاہ اتیں علم پاک، کرینہ ،جال، ڈیوے تیں پکھیاں واسطے دانڑیں پانڑی دا انتظام موجود ہئی.درگاہ دی سادگی ڈسیندی ھئی جو پیر سئیں حملہ آوریں تے نواب سرداریں کن پوہلے پھردے ہن نہ تاں عالی شان درگاہ ہووے ہا . چراغ شاہ رحمتہ اللہ علیہ المعروف بھٹ پیر دا کرینہہ رتیں پیلیں تھگڑیں دیں گنڈھی نال تے ونگیں نال رجھیا پیا ہئی . .