برونائی وِچ زنانیاں

وکیپیڈیا توں
منڳݨی دی تقریب وِچ برونائی دیاں ݙو مسلم زنانیاں ٢٠١٠ء وِچ۔
پینگیران اناک سارہ (برونائی دی ولی عہد شہزادی) ٢٠٠٩ء وِچ اپݨی آرمی کیڈٹ یونیفارم وِچ۔

برونائی وِچ زنانیاں (اردو: برونائی میں خواتین) (انگریزی: Women in Brunei)، برونائی دارالسلام وِچ رہوݨ آلی زنانیاں ہِن۔ برونائی وِچ زنانیاں کُوں ٻہوں اُچیرا مقام دا درجہ ݙِتّا وین٘دا ہِے۔[١] امریکی محکمہ خارجہ نے آکھیا ہِے جو برونائی وِچ زنانیاں دے نال امتیازی سلوک ہِک مسئلہ ہِے۔[٢]

قنُونی حقوق[لکھو | ماخذ وچ تبدیلی کرو]

گھروڳی مار کُٹ دا کوئی خاص قنُون کائے نِھیں، جاں جوں زنانیاں اَتے چھوہِرِیں دے تحفّظ دے قنُون دے تحت گھروڳی مار کُٹ دے مقدمیاں وِچ گرفتاریاں کِیتی ڳئیاں ہِن۔ پُلس صرف متاثرہ دی رپورٹ دے جواب وِچ گھروڳی مار کُٹ دی تحقیقاں کرین٘دی ہِے۔ اِیہو جئیں معاملیاں دی پَرکھ وِچ پُلس عام طور تے جوابدہ ہون٘دی ہِے۔ ذری جِتّی گھروڳے حملے دی مجرمانہ سزا ہِک تُوں ݙو ہفتے جیل اَتے ہرجاݨاں ہِے۔ ہِک حملہ جین٘دے نتیجے وِچ سنگین سَٹ لڳّے اُون٘دی سزا کیننگ اَتے لَمّی قید دی سزا ہِے۔

صحت دے معاملے[لکھو | ماخذ وچ تبدیلی کرو]

جوڑیاں اَتے بندیاں کُوں اپݨے ٻالاں دی ڳِنتری، ٹَٻَّر دی منصوبہ بندی دا حق حاصل ہِے، اَتے اِنّھاں کُوں سرکاری اَتے نجی کلینک دے ذریعے مانع حمل آلات اَتے طریقیاں تئیں رسائی حاصل ہِے۔ شہری مُفت طبّی اَتے صحت دی ݙیکھ بھال تُوں چَس چین٘دے رہن٘دے ہِن، بشمول ٻال دے ڄَمَّݨ دے وِچالے وِچ ماہرین دی حاضری، ڄَمَّݨ تُوں پہلاں دی ݙیکھ بھال، اَتے ضروری زچڳی اَتے ڄَمَّݨ تُوں بعد دی ݙیکھ بھال۔ زنانیاں کُوں جنسی طور تے منتقل تِھیوݨ آلی بِماریاں دی تشخیص اَتے علاج دی سہولتاں تئیں برابر رسائی حاصل ہِے۔ زنانیاں کُوں ایچ آئی وی دے علاج اَتے مشاورت دے نال نال فالو اَپ علاج تئیں برابر رسائی حاصل ہِے۔

ٹوڈونگ[لکھو | ماخذ وچ تبدیلی کرو]

برونائی وِچ ٻہوں سارے مسلمان زنانیاں روائتی طور تے سِر کَڄین٘دیاں ہِن جِیکُوں ٹوڈونگ دے ناں نال سُن٘ڄاݨا وین٘دا ہِے۔ اِیکُوں "ٹوڈونگ" وی آکھیا وین٘دا ہِے[١]۔

صنفی کردار[لکھو | ماخذ وچ تبدیلی کرو]

کُجھ ورھیاں وِچ، برونائی زنانیاں نے برونائی حکومت وِچ ذمّے واری دے عہدیاں کُوں سن٘بھالݨ دا اَغاز کر ݙِتّا ہِے۔ اُوہ برونائی دی مسلح فوجاں وِچ ملازمتاں گِھنَّݨ دے قابل ہِن۔ تاہم اِنّھاں کُوں جنگی حالتاں وِچ خدمتاں انجام ݙیوݨ دی اجازت کائے نِھیں۔[١]

جنسی سمگلنگ[لکھو | ماخذ وچ تبدیلی کرو]

برونائی وِچ شہری اَتے غیر مُلخی زنانیاں اَتے چھوہِرِیں کُوں جنسی طور تے سمگل کِیتا وین٘دا ہِے۔ [٣][٤][٥][٦]

حوالہ جات[لکھو | ماخذ وچ تبدیلی کرو]

  1. ١.٠ ١.١ ١.٢ Culture of Brunei Darussalam – history, people, traditions, women, beliefs, food, customs, family, social
  2. 2010 Human Rights Report: Brunei Darussalam
  3. 2019 Trafficking in Persons Report: Brunei
  4. Brunei intensifying efforts to better detect human trafficking cases
  5. "Society has key role in fighting human trafficking". Archived from the original on 2018-08-25. Retrieved 2022-03-26.
  6. Three Thais jailed, face caning for forcing a 17-year-old girl into prostitution in Brunei