باندر کلا

باندر کلا... باندر کلا سرائیکی وسیب دے ٻالیں دا ہک من بھاوݨا کھیڈ ہوندا ہا جیندے وچ ہک ٻال جیندے سر ایٹی ہووے ہا او ہک کلے نال رسہ بدھ تے پکڑ کھڑدا ہا تے اوں کلے نال سارے گھر دیاں جتیاں کٹھیاں کر تے رکھ ݙیندے ہن ایں چیز دا خیال کریندیں ہوئیں جو کوئی باری جتی نہ ہووے. باقی بال اڈو اڈو جھپٹیاں مار تے جتیاں چیندے ہن اگر جتیاں چیندے ہوئیں کہیں ٻال کوں ہتھ لگ ونڄے تاں ایٹی اوندے سر آ ویندی ہئ پر اگر جتیاں ختم تھی ونڄن ہا تاں ایٹی آلے بال دی شامت شروع تھی ویندی ہئ. او اگوں اگوں تے باقی سارے ٻال پچھوں پچھوں ہک پڑ شا تئیں پڄݨ ضروری ہوندا ہا پر اتے تک اوندی قسمت جتلے کھلے چھپیج ونجن. اے کھیڈ پرنے دی ہک رسم کیتے وی تھوڑی جھئیں تبدیلی نال کھیڈی ویندی ہے جو سالیاں گھوٹ دی جتی چا گھندین تے ول گھوٹ بنرے کوں وڈا عوضاݨہ ڈیوݨا پوندے تے نال نال سالی اے وی ݙس ݙیندی ہے جو خبردار ہنڑ اے جتی تاں بھنڑویا صاحب تہاݙی ہے پر ہتھیں ساڈے ہے خیال کراہے... ویسے وی اڄ کلھ چائنا دیاں جتیاں آ گئن جیہڑیاں گھنیندیاں تاں پیریں کیتے ہن پر پۓ ڳچی اچ ویندین. خیر گال تھیندی پئ ہئ باندر کلے دی ہنڑ اے کھیڈ بال نئ کھیڈدے کیوں جو نسل تھری جی تھی گئ ھے.ہنڑ اے کھیڈ وݙیں سانبھ گھدی ہے. مثال دے طور تے پوری دنیا کوں ہک رسے نال بدھݨ دی کوشت کرݨ آلا صدر بش جیہڑا جو پوری دنیا دا بھنڑویا بنڑنڑ دی کوشت اچ ہا ڄہیرلے عراق تے حملہ کیتس اوندے بعد غالبا" پہلی دفعہ باندر کلہ کھیݙیا ڳۓ... ایویں بیا وی کئی دفعہ اے کھیݙ کھیݙیا ڳۓ... کلھ دا واقعہ ہے جو ہک وݙے افسر دے دفتر دے ٻاہروں ہک زنانی افسر کوں ایٹی آلا سمجھ تے پڑ شا تک پڄاۓ تے آپݨی اکلوتی جتی دا وݙی مہارت نال استعمال کیتے... میں سرائیکی ٻالیں دے ایں کھیڈ کوں وݙے لوکیں وچ مشہور تھیندا ݙیکھ تے وݙا خوش تھینداں... کیا تہاکوں وی خوشی ہے؟؟؟ (منصور شانی)

حوالے

[[ونکی:سرائیکی کھیݙاں]]