ایتھنز، مکہ، ہالی وڈ
فطرت دی طرف توں بندے دا جیڑھلے زݨین تے استقبال کیتا ڳئے تاں اونکوں فطرت کنوں ترے وݙے تحفے پیش کیتے ڳئین۔ عقل، یقین تے حُسن۔ عقل جیڑھی اونکوں چیزیں دے درمیان فرق کتݨ سکھیندی اے اوندے اپݨے اِرگرد نال اوندے ورتاوے دا فیصضہ کریندی اے۔ یقین فطرت تے خوفناکیں تے اوندے غیر یقینی رویے دے بارے اوندے ایماں کوں تقویت ݙیندے جو بآ توں اِی کامیاب تھیوݨ Imagination دا ہک لا متناہی سلسلہ قائم تھی ویندے جیندے اِچ ہمیشہ فطرت دے خلاف کہیں نویں فتح دی بشارت مِلدی اے تے حسن فطرت دی ایں تمام بے رحم یکسانیتے دے خلاف زندہ رہݨ دا حوصلہ ݙیندے۔
فطرت وی کوئی اتنی فیاض نہیں جو اپݨے انہیں تحفے کوں بے اَنت ونڈ ݙیندی اوں انہیں تحفے دا حقدار پوری بنی نوع انسان کوں تاں بݨائے پرایندی ونڈ اوں اپݨے ہتھیں رکھی اے۔ ایندے کیتے ایں اپݨے چوݨویں بندے لبھین۔ دانش کیتے اوں سقراط کنوں آئن سٹائن تائیں۔ ہر رنگ ہر نسل اِچ کہیں نہ کہیں شکل اِچ کجھ بندے پیدا کیتن۔
اے ڄاݨے بغیر جو انہیں دی کیا قیمت وصول کیتی اے۔ اساں محض ایں حوالے نال سقراط دے شہر ایتھنز کوں دانش دا شہر من گھندے ہئیں۔ تاں یقین بے انت یقین بحراوقیانوس دے طوفانیں اِچ ہک چھوٹی جھیں ڈونڈی دا یقین جو میں کنارے تے لڳ ویساں۔ کالا ہاری تے صحرائے اعظم دی تریہہ دے خلاف اَتے صحرا دی چُپ تے بےسمتی دے خلاف یقین تے ہک چڑی دے ٻچہ کوں باز دے خلاف یقین ایندا شہر اساں مَکے کوں من گھنوں تاں ابراہیمؑ کنوں محمدؐ تک بے چہرہ مخلوق کیتے اے بشارت جو عربی کوں عجمی تے ڳورے کوں کالے تیں کوئی فضیلے حاصل نہیں۔
ٻیا ݙیکھو
[لکھو | ماخذ وچ تبدیلی کرو]ٻاہرلے جوڑ
[لکھو | ماخذ وچ تبدیلی کرو]- سئیں ڈاکٹر خالد اقبال دا تعارف انگریزی وِچ۔ ۔ ۔ ۔ ۔ ۔ ۔