اندھا شاعر
{خصوصی تحریر اپنڑے وسیب دے شعراء کرام دی نذر}
اندھا شاعر
ہک تریمت جینداں رنگ کالا، نک پھینا، وال آلہنڑیں آنگوں، قد ڈڈ پڑڈ، انگلیں ترانگل دیاں دھیریں ت پیر پھڈے ھن اوندی شادی تھئ ھک اندھے شاعر نال اوں تریمت آکھۓ آپنڑے اندھے شاعر خاوند کوں جو میں اینجھی سوھنڑی ھاں جو پریاں میکوں ڈیہدیں ڈیہدیں اکھ نئ ولیدیاں. او اونویں شاعر ھا او ذال دے آکھۓ لگ کے ڈینہہ کوں رات ت رات کوں ڈینہہ لکھنڑ پۓ گۓ. ھک ڈینہہ او گھر بیٹھا ہئ ت اوں سڈ سنڑۓ "جماندرو اندھے آپنڑیاں اکھیں بنڑوا گھنو" "جماندرو اندھے آپنڑیاں اکھیں بنڑوا گھنو"
اندھے جو سنڑۓ او جتی ڈانگ سنبھال کے باھرو گۓ. جیہرلے تریمت ڈٹھے جو اگر اے سجاکا تھی گیا تاں میڈی تاں جاہ کئنی. اوں زیور چاتے ، پیسے لٹھے چاتن مطلب ہر ستر ستارا چا کے حکیم کولو گئ ھے ت اندھے کولو پہلے پچ کے اوں حکیم کوں آکھۓ سی جو اے پیسے گھن تے میڈے خاوند کوں اندھا رھونڑ ڈے. حکیم آکھۓ میکوں پیسیں دی لوڑ کئنی میں تاں انسانیں دی بھلائ واسطے وداں. پر اوں اندھے دی ذال اوں حکیم کوں رو ڈپھ کے ٹور چھوڑیا. ت شاعر....؟ او ودے اونویں اج تئیں لکھدا "اس زلف پہ پھبدی ھے شب_دیجور کی سوجھی".
میڈے کولو غلطی تھئ ھے میں وی باطنی اندھے شاعریں کول دوا ویچنڑ گیا ھم پر.......!
منصور شانی