امہات المومنین
حضرت محمد صلی اللہ علیہ و آلہٖ و سلم دے مختلف روایات اچ یارہاں توں تیرہاں ازواج دے ناں ملدن جنہاں کوں امہات المؤمنین آکھا ویندے یعنی مؤمنین دے ماواں۔ ایندے علاوہ انہاں کوں ازواج مطہرات وی آکھا ویندے۔ آپ صلی اللہ علیہ و آلہٖ و سلم دے ازواج اچ حضرت عائشہ دے علاوہ تمام بیوہ و مطلقہ (طلاق شدہ) ہن تے زیادہ شادیاں دا عرب وچ عام رواج ہئی۔ مؤرخین دے مطابق اکثر شادیاں مختلف قبائل نال اتحاد کیتے یا انہاں خواتین کوں عزت ݙیوݨ کیتے کیتے ڳئے۔ انہاں وچوں کجھ سن رسیدہ ہن ایں کیتے حضور صلی اللہ علیہ و آلہٖ و سلم تے کثرت ازدواج دا الزام لاوݨ والیاں دے دلیلاں ناکارہ تھی ویندن۔ انہاں وچوں صرف حضرت خدیجہ بنت خویلد تے حضرت ماریہ قبطیہ توں اولاد تھئی۔ آپ صلی اللہ علیہ و آلہٖ وسلم نے نبوت توں قبل 25 سال دی عمر وچ حضرت خدیجہ نال شادی کی۔ حضرت خدیجہ آپ صلی اللہ علیہ و آلہٖ و سلم دی پہلی ذال ہن تے آپ صلی اللہ علیہ و آلہٖ و سلم دی اولاد وچ حضرت ابراہیم بن محمد دے سوا تمام صاحبزادے تے صاحبزادیاں انہاں دے ہی بطن توں تھئے۔ انہاں دے ساتھ آپ صلی اللہ علیہ و آلہٖ و سلم دی ازدواجی زندگی 25 سالہ ہئی، ایں دوران آپ صلی اللہ علیہ و آلہٖ و نے کوئی ٻئی شادی نہ کیتی۔ باقی تمام شادیاں 50 سال دی عمر دے بعد دے ہن۔ آنحضرت صلی اللہ علیہ و آلہٖ و سلم دی وفات دے وقت انہاں دے نو ازواج حیات ہن۔
ازواج مطہرات علیہم السلام دے اسمائے گرامی[لکھو | ماخذ وچ تبدیلی کرو]
حضور ﷺ دے ازواج مطہرات علیہم السلام دے اسمائے گرامی اے ہن:
- حضرت خدیجہ رضی اللہ عنہا
- حضرت عائشہ صدیقہ رضی اللہ عنہا
- حضرت ام حبیبہ رضی اللہ عنہا
- حضرت سودہ بنت زمعہ رضی اللہ عنہا
- حضرت حفصہ بنت عمر رضی اللہ عنہا
- حضرت زینب بنت خزیمہ رضی اللہ عنہا
- حضرت ام سلمہ رضی اللہ عنہا
- حضرت زینب بنت جحش رضی اللہ عنہا
- حضرت جویریہ بنت حارث رضی اللہ عنہا
- حضرت صفیہ بنت حی بن اخطب رضی اللہ عنہا
- حضرت میمونہ بنت حارث رضی اللہ عنہا
- حضرت ماریہ قبطیہ رضی اللہ عنہا