امبرین بٹ

امبرین بٹ (اردو: عنبرین بٹ) (انگریزی: Ambreen Butt) (ڄَمَّݨ دا سال: ١٩٦٩ء) اُوہ بوسٹن وِچ ٹِکاݨاں کِیتی ہوئی پاکستانی امریکی فنکارہ ہِن جیڑھی اپݨی نقاشی، مصوری، پرنٹس اَتے کولاج کِیتے مہان٘دری ہِن۔ روائتی فارسی آرٹ دے ذریعہ زنانی اَتے سیاسی نظریات کُوں پیش کرݨ آلی محنت کش تصویراں کِیتے سُن٘ڄاݨی وین٘دی ہِن۔ اُوہ ہُݨ ڈلاس، ٹی ایکس وِچ رہن٘دی ہِن۔

تعلیم

امبرین بٹ نے لاہور دے نیشنل کالج آف آرٹس تُوں روائیتی ہندوستانی اَتے فارسی مینی ایچر نقاشی وِچ فنونِ لطیفہ وِچ بیچلر دی ڈگری حاصل کِیتی۔ بعد وِچ اُوہ ١٩٩٣ء وِچ بوسٹ چلی ڳئی اَتے ١٩٩٧ء وِچ اُنّھاں نے میسا چوسیٹس کالج آف آرٹ تُوں نقاشی وِچ فنونِ لطیفہ وِچ ماسٹرز کِیتا۔ (حالیہ میسا چوسٹس کالج آف آرٹ اینڈ ڈیزائن)۔

فن

امبرین بٹ دا کَم اِین٘دے ݙُو تہذیبی سُن٘ڄاݨاں نال ڄُڑیا ہویا اپݨے اوکھاں، اَرائشی طرز اُتے برقرار ہِے جیڑھا ہندوستانی اَتے فارسی دے مینی ایچر نقاشی دی خاصیّت ہِے۔ سنسناٹی کونٹمپورری آرٹ سینٹر وِچ قربت دے دائرے دی نمائش کِیتے تخلیق کِیتا ڳیا، اِیہو جِیہاں ای ہِک کَم، / ایم آئی لاسٹ ڈائمنڈ (٢٠١١ء)، جین٘دے وِچ کُل رَلا تے ٢٠ ہزار تُوں ودھ فنکارانہ انڳلیاں اَتے انڳوٹھے رال وِچ ٻوڑ تے ہِک اِیہو جئیں شِکّل بݨائی ڳئی جیڑھی پرے تُوں آتش بازی اَتے پُھلّاں دی بہار نظر آوے۔ اِیں کَم دا اثر بٹ دے ابائی شہر لاہور وِچ خود کش بم دھاماکے وِچ بَچ ون٘ڄݨ آلے ہِک ٻیلی دے تجربے نال تِھیا ہئی۔ اُنّھاں نے میڈیم دی مشقّت آمیز تکنیک کُوں نویں مواد جیویں پی ای ٹی فلم تھریڈ اَتے کولیج نال اَپ ڈیٹ کِیتا ہِے۔ امبرین بٹ دا کَم اُنّھاں دا نِکّا فن پارہ، خاص طور تے سماجی مسائل دی مثال بݨݨ کِیتے بݨائی ڳئیاں ہِن۔ خاص طور تے اُنّھاں دا کَم صنف دے کردار، ثقافتی جھیڑے، اَزادی دے وِچار اَتے انسانی حقوق دے معنی اُتے بھال ݙین٘دا ہِے۔ اِنّھاں دے کینوس اُتے اِیہ سبھ اخبارات دی منظر کشی اَتے تاریخی عکاسی دا حاصل ہِے۔ جیویں جو ذِکر کِیتا ڳیا ہِے جو اِیں طرح دا معاشرتی مسئلہ، نر اَتے مادہ دے وِچالے فرق کُوں ظاہر کرین٘دا ہِے۔ ہِک انٹرویو وِچ، امبرین بٹ نے اِیں مشاہدے دی وضاحت کِیتی:

"خاص طور تے مینی ایچر فن وِچ زنانیاں دی نمائندگی کرݨ تے میکُوں حیرت دا سامھݨاں کرݨاں پِیا۔ اِنّھاں کوں اکثر نِکّی موہک مخلوق دے طور تے پیش کِیتا وین٘دا ہئی۔(اِین٘دے بر عکس) مرد شبیہہ کُوں خُدا آلی کار وَدھ نمائندگی حاصل ہئی۔" "میکُوں زنانی دے جُسّے تُوں ودھ آپ زنانی کِیتے تشویش ہئی۔"

امبرین بٹ نے اپݨے کَم وِچ پرنٹ میکنگ ٹیکنیک کوں وی ورتیا ہِے۔