اقبال باہو

اقبال باہو (اردو: اقبال باہو) یا محمد اقبال (ڄَمَّݨ دی تَرِیخ: ٤ ستمبر ١٩٤٤ء فوت تِھیوݨ دی تَرِیخ: ٢٤ مارچ ٢٠١٢ء) پاکستانی صوفی اَتے لوک ڳائیک ہَن۔ اُنّھاں کُوں ہالی وِی جنوبی ایشیاء دے سبھ تُوں ودھ با اثر لوک ڳائیکاں وِچُوں ہِک سمجھیا وین٘دا ہِے۔ اُوہ پنجابی لوگ گِیت ڳاوݨ وِچ مہان٘درے ہَن اَتے اُنّھاں کُوں پنجاب دے سبّھے لوک کہاݨیاں / لوک داستاناں یاد ہَن۔ اقبال باہو کُوں ٢٠٠٨ء وِچ تمغۂ امتیاز تُوں نوازیا ڳیا ہئی۔

اِبتدائی اَتے کَم کار آلی حیاتی

اقبال باہو ١٩٤٤ء وِچ برطانوی ہند دے صوبہ پنجاب دے گرداسپور، وِچ بطورِ محمد اقبال ڄَمّے ہَن۔ اُنّھاں دا ٹَٻَّر ١٩٤٧ء وِچ ونڈ دے بعد پاکستان کُوچ کر تے آ ڳیا ہئی اَتے لاہور وِچ اَباد تِھی ڳیا۔ اقبال نے ہِک بینکر دی حیثیت نال اپݨے کَم کار دا اَغاز کِیتا۔ اُنّھاں نے ١٩٧١ء تُوں ١٩٩٧ء تئیں نیشنل بنیک آف پاکستان کِیتے کَم کِیتا۔ جاں جو صوفی موسیقی وِچ اُنّھاں نے مہان٘در اَتے سُن٘ڄاݨ بݨائی۔ باہو نے اپݨے ڳائیکی آلے کَم کار دی حیاتی دا اَغاز ١٩٦٤ء وِچ ریڈیو پاکستان، لاہور تُوں کِیتا ہئی۔

اقبال باہو نے اپݨی حیاتی وِچ دُنیا بھر وِچ کنسرٹ پرفارمنس کِیتی۔ اُنّھاں نے ١٩٩٢ء وِچ بی بی سی بش ہاؤس، لندن وِچ وِی پیش کش کِیتی ہئی۔

وفات

اقبال باہو ٢٤ مارچ ٢٠١٢ء کُوں ٦٨ ورھیاں دی عُمر وِچ لاہور وِچ دِل دا دورہ پووݨ دی پارُوں فوت تِھی ڳئے اَتے اڳلے ݙیہاڑے لاہور دے میانی صاحب قبرستان وِچ پُور ݙِتّا ڳیا۔ اِنّھاں دے ٹَٻَّر وِچ اُنّھاں دی ذال، ٣ دِھیاں اَتے ٢ پُتر شامل ہَن۔

ایوارڈ

• تمغۂ امتیاز، 2008ء
• سلطان باہو ایوارڈ
• پی ٹی وی ایوارڈ
• گریجویٹ ایوارڈ
• بابا فرید ایوارڈ
• حضرت سلطان باھو ایوارڈ
• بین الاقوامی صوفی فیسٹیول ایوارڈ
• ریڈ کریسنٹ ایوارڈ
• چھٹا پی ٹی وی قومی ایوارڈ
• نگار ایوارڈ
• کلام باہو ایوارڈ
• اسٹیٹ لائف انشورنس ایوارڈ، کویت
• اسٹیٹ لائف انشورنس آف پاکستان ایوارڈ، کویت
• پاکستان نیشنل آرگنائزیشن ایوارڈ، کویت
• ورلڈ پرفارمنگ ایوارڈ
• ہرف و آواز ایوارڈ