افغانی کھاݨیں
افغانی کھاݨیاں دی تیّاری وِچ کݨک، مکئی، جَو اَتے چاول دا استعمال کِیتا وین٘دا ہِے۔ اَن٘ج اَن٘ج علاقیاں وِچ مقاملی پَھل اَتے ساولِیں اَتے کِھیر دی مصنوعاں جِین٘ویں کِھیر، ݙہی نال کھاݨیں تیّار کِیتے وین٘دے ہِن۔ افغانستان آپݨے چنڳے معیار دے انار، انگور اَتے مِٹّھے، رڳبی فٹ بال دے سائز دے خربوزیاں کِیتے سُن٘ڄاݨاں وین٘دا ہِے۔ افغانسان دا قومی کھاݨاں قابلی پلاؤ ہِے۔
مہان٘درے اَفغانی کھاݨیں
[لکھو | ماخذ وچ تبدیلی کرو]افغانی پلاؤ
[لکھو | ماخذ وچ تبدیلی کرو]افغانی پلاؤ دُنیا بھر وِچ آپݨی سُوہݨی رنگت، ذایقے اَتے خَشبو دی پارُوں ٻہوں مشہور ہِے، کݙان٘ہِیں کݙان٘ہِیں اِیکُوں بھورے چاول دے نال بݨایا وین٘دا ہِے۔ اِین٘دے سُݨھَپ وِچ ڳاجر اَتے میوہ جات دا استعمال کِیتا وین٘دا ہِے۔ عام طور تے اِیکُوں پَٹھورے یا ڳان٘ہ دے گوشت نال تیّار کِیتا وین٘دا ہِے۔
قورماں عام طور تے چاول دے نال پیش کِیتا وین٘دا ہِے۔ اِیہ ہمیشاں وَصَّل اَتے ٹماٹر نال رَلا تے تیّار کِیتا وین٘دا ہِے۔ تَلّے ہوئے وَصَّل وِچ، ٹماٹر شامل کِیتا وین٘دا ہِے وَل اِین٘دے وِچ اہم جُز رَلایا وین٘دا ہِے، جیڑھا ٻوٹ یا سبزیاں تِھی سڳدا ہِے۔ بھورا وَصَّل اِیکُوں اسٹو دی شکّل ݙین٘دا ہِے۔ افغانی قورماں دی ٻہوں سارے ونکیاں تیّار کِیتیاں وین٘دیاں ہِن۔
