اشفاق عارض

اشفاق عارض سرائیکی شاعر ہے۔

نمونہ کلام

شعر

ظرف رکھ اتناں وسیع چند لفظ کہیں دے ماء ونجن

ظرف کوں جے حرف دی کائینی طلب گالہیں نہ کر

اشفاق عارض

ݙوہڑہ

بنڑ مورنڑ شہر نگر تیڈے۔تیڈے قرب دی چاہ تے چھج ویچم

میڈے پوہ دے پندھ انڑ گینڑویں ہن بیا ہاڑ دی بھاہ تے چھج ویچم

تیڈی جھوک کوں لگدن دگ جتلا کھڑ ھک ہک راہ تے چھج ویچم

ہر کوچہ کیچ لگےعارض میں جئیں جئیں جاھ تے چھج ویچم

ݙوہڑہ

میڈا بٙھرم جہان تے بٙچ پووے تٙگ قُرب دی آڑ تے پٙئی راہوے۔

ہٙر میل تے رسماٙٙ جھالو بٙݨ روح رٙسم دی باڑ تے پٙئی راہوے۔

بٙئی ہُجت نہ مٙن کئ عارض دی پٙر پٙت اٙگواڑ تے پٙئی راہوے۔

ہوویں سامݨے ہٙر ہِک پٙل میڈے سِک سئیں کوں تاڑ تے پٙئی راہوے

شاعر۔۔۔۔۔۔اشفاق عارض

غزل

میں ڈِٹھیمی کون کہڑے دگ تلک ویندا کھڑے

ایں جہان ءچ ہر بشر ہیں جگ تلک ویندا کھڑے

نِس منگیا اوں ذات کولوں بۓکنوں منگدا ریہے

تونڑیں جو ساہ ساہ اوندا شاہ رگ تلک ویندا کھڑے

لب تےحی علی الفلاح دی گالھ پر واعظ دا دل

دور توں آئ دول دی دھگ دھگ تلک ویندا کھڑے

پیو جو سمجھیندے تاں پُتر اہدا کھڑے چپ کر تے بہہہے

یعنی کے ہُنڑ پتر پِیو دی پگ تلک ویندا کھڑے

دور_حاضر دی حقیقت کر ڈتِم عارض بیاں

دل دا جھیڑا لفظ دی بس تگ تلک ویندا کھڑے

اشفاق عارض