ازبکستان وِچ زنانیاں

ازبکستان دیاں زنانیاں دی تصویر

٢٠١٧ء دے خصوصی سرمائی علامی اولمپک کھیݙاں دے عشائیے وِچ شامل ازبک نمائندے۔ اِین٘دے وِچ ہِک قابلِ لحاظ ڳِنتری زنانیاں دی ݙِٹّھی ون٘ڄ سڳین٘دی ہِے۔

ازبکستان وِچ زنانیاں (اردو: ازبکستان میں خواتین) (انگریزی: Women in Uzbekistan) دا موقف کئی عوامل اُتے منحصر ہون٘دا رِیہا ہِے۔ اِنّھاں وِچ مقامی روائتاں، مذہب، سابقہ سوویت اتحاد دی حکومت اَتے اِیں مُلخ دی اَزادی دے بعد تُوں اُبھردے حَلات اَتے صورتِ حال شامل ہِن۔

شادی

ازبکستان وِچ شادی دی قنُونی عمر ١٨ ورھیاں دی ہِے اَتے حاکماں کُوں اِیہ اختیار حاصل ہِے جو اُوہ غیر معمولی حالات وِچ چھوہراں کُوں ١٧ ورھیاں اَتے چھوہِرِیں کُوں ١٦ ورھیاں دی عُمر وِچ شادی دی اجازت ݙے سڳدے ہِن۔

عملی پِڑ وِچ زنانیاں

ازبکستان دے کئی سیاحتی جائیں اُتے سڄے سٹالاں وِچ ہِک دلچسپ مشاہدہ اِیہ ہئی جو اِتّھوں دے ٩٠ فیصد سٹال عام طور تے زنانیاں اَتے جُؤان چھوہِرِیں نے لاء رکّھے ہَن۔

حجاب اُتے پابندی

ازبکستان وِچ سوویت ویلے تُوں کئی مذہبی علامتاں اُتے پابندی عائد ہِے اَتے اِین٘دے اُتے حکومت کُراڑے پَن نال کاربند ہِے۔ ٢٠١٦ء وِچ مُلخ وِچ مَسِیت دے اِمام کُوں زنانیاں دے حجاب پاوݨ اَتے مرداں دی ݙاڑھی اُتے عائید پابندی مُکاوݨ دا مطالبہ کرݨ دی وجہ کنُوں سرکاری طور تے برطرف کر ݙِتّا ڳیا ہئی۔

چوݨاں وِچ زنانیاں کِیتے خصوصی رعائتاں

مُلخ وِچ کئی بندے جِنّھاں وِچ زنانیاں دے نال نال کُجھ اِیہو جئیں بندیاں کِیتے جیڑھے چوݨ پاوݨ کِیتے جیڑھے چوݨ دے حق دے مراکز تئیں نئیں آ سڳدے، اُنّھاں کُوں اِیہ سہولت ݙِتّی ڳئی ہِے جو اُوہ اپݨاں چوݨ گھروں ای درج کر سڳَّن۔  

ٻِیا ݙیکھو

• ایشیا وِچ زنانیاں