ارشد ملتانی
اصل ناں رسول بخش
قلمی ناں ارشد ملتانی
جٖمنْ 1924ء
موجودہ پتہ 4۔احسن کالونی سورج میانی روڈ ملتان
ارشدؔ ملتانی اردو تے سرائیکی دے منّے پر منّے شاعر ہن ۔آپ عرصہ دراز توں شاعری کریندے پَین۔آپ دے کلام اچ جدت تے ندرت پاتی ویندی ہے۔ملتان نال تعلق رکھݨ والے اردو دے مایہ ناز شاعر ہن۔ انہاں نے پہلی غزل 1940ء اچ لکھی۔ 13 نومبر 2005ء اچ انہاں دا انتقال تھیا۔
غزلیہ کلام
[لکھو | ماخذ وچ تبدیلی کرو]کر فکر توں ایں ہک پل دا
سٹ جھگڑا ابد ، ازل دا
ایویں یار نے جھاتی پاتی
جیویں بدلوں چندر نکلدا
ہک غضب ہے بھا بدن دی
ڈٖوجھا چولا ہے ململ دا
کوئی انت تاں آخر ہوسی
ایں دنیا دی تھر تھل دا
رہسی ارشدؔ ساتھ ہمیشہ
اوں سوہنْے یار پنل دا
؎وقت دا دریا رُکیا کائنی
سوچ سمندر سُکیا کائنی
سچ جیندی بنیاد نہ ہووے
میں او قصہ لکھیا کائنی
٭٭٭