احمد شاہ ابدالی

احمد شاہ ابدالی
(پشتووِچ: احمد شاه دراني)
معلومات شخصیت
پیدائش	سنہ 1722ء   ہرات
وفات	16 اکتوبر 1772ء (49–50 سال)  قندھار
مدفن	قندھار
شہریت	درانی سلطنت
زوجہ	حضرت بیگم
اولاد	تیمور شاہ درانی
امّاں	زرغونہ انا
ٹٻّر	درانی ،  درانی سلطنت
مناصب
شہنشاہ
برسر عہدہ 1 اکتوبر 1747  – 16 اکتوبر 1772
عملی زندگی
پیشہ	شاہی حکمران، شاعر
عسکری خدمات
وفاداری	جرنیل
عہدہ	جرنیل

احمد شاہ درانی (1722ء – 16 اکتوبر 1772ء) جیکوں احمد خان ابدالی وی آکھیا وین٘دا ہِے، درانی سلطنت دا بانی ہَئی اَتے جدید ریاست افغانستان دے بانی دے طور تے مَنّیا وین٘دا ہِے۔ اُوہ نادر شاہ افشار دی فوج وِچ سپاہی دی حیثیت نال بھرتی تِھیا اَتے ٻہوں جَلتی ابدالی جَتّھے دا اڳواݨ بݨ ڳِیا، جہڑا چار ہزار ابدالی پشتون سپاہیاں دا گُھڑ سوار جَتّھا ہَئی۔

1747ء وِچ نادر شاہ افشار دے قتل دے بعد، احمد شاہ درانی کوں افغانستان دا شاہ چُݨیا ڳِیا۔ آپݨے اقتدار کوں تَکڑا کرݨ دے بعد، اُوں نے ہندوستان دی مغل اَتے مرہٹہ سلطنت کوں مشرق کَن، فارس دی کِھنݙی سلطنت افشاری کوں مغرب کَن اَتے بخارا دے خانات کوں شمال کَن دِھک ݙِتّا۔ کُجھ ورھیاں وِچ، اُوں نے مغرب وِچ خراسان کنوں گِھن کے مشرق وِچ کشمیر اَتے شمالی ہندوستان تئیں اَتے شمال وِچ آمودریا کنوں گِھن تے جنوب وِچ بحیرہ عرب تئیں آپݨاں اقتدار وَدھا گِھدّا۔

احمد شاہ درانی دا مقبرہ قندھار، افغانستان وِچ ہِے، جہڑا شہر دے وِچالے وِچ پوشاک دے مزار نال جُڑیا ہِے۔ افغانی اکثر اِیکوں "احمد شاہ بابا" آہدے ہِن۔

وفات

درانی 16 اکتوبر 1772ء کوں صوبہ قندھار وِچ جھوک لݙا ڳِیا۔